Mose V, 4:34 - BAIBLO ALOO NGMAMI KLƆUKLƆU Ɔ

³⁴ Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose V, 4:34 ပူးပေါင်းရင်းမြစ်များ

La 136:12

Lɛ nɛ e ngɔ e he wami kpetekpleenyɛ ɔ kɛ tsu nɔ́ nɛ ɔ; ejakaa e suɔmi ɔ ngɛ kɛ yaa neneene!

La 24:8

Mɛnɔ ji matsɛ ngua nɛ ɔ? Lɛ ji Yawɛ; e ngɛ he wami. Katsɛ kɛ tatsɛ kpanaa ji lɛ.

La 78:12

Mawu pee nyakpɛ ní babauu ngɛ a nɛmɛ ɔmɛ a hɛ mi, ngɛ Zoan nga kplanaa a nɔ, ngɛ Egipt zugba a mi.

Mose II, 1:9

E de e ma mi bi ɔmɛ ke, “Tse nyɛ na kaa Israel bi ɔmɛ hiɛ tsɔ, nɛ a he hu wa saminya.

Mose II, 10:21

Yawɛ de Mose ke, “Wo o nine nɔ kɛ tsɔɔ hiɔwe, konɛ diblii kpii nɛ wo ngɛ Egipt zugba a nɔ.”

Mose II, 10:7

Farao ɔ tsɔli ɔmɛ de lɛ ke, “Mɛni be po nyumu nɛ ɔ maa jɔɔ wɔ haomi? Ha nɛ e ni ɔmɛ nɛ a ho nɛ a ya ja Yawɛ, a Mawu ɔ. Anɛ o nɛ kɛ mwɔɔ kaa Egipt hɛ mi ngɛ kpatae lo?”

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 14:30

Bɔ nɛ Yawɛ pee kɛ kpɔ Israel bi ɔmɛ kɛ je Egipt bi ɔmɛ a dɛ jamɛ a ligbi ɔ ji nɛ ɔ nɛ. Israel bi ɔmɛ na Egipt bi ɔmɛ nɛ a gbo kɛ pueɔ si ngɛ wo ɔ nya.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Mose II, 3:10

Lɔ ɔ he ɔ, ha nɛ ma tsɔ mo Farao ɔ ngɔ nɛ o ya je ye ma, nɛ ji Israel bi ɔmɛ kɛ je Egipt.”

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 7:3

Se ma kplii Farao ɔ tsui. Ma pee okadihi, kɛ nyakpɛ níhi babauu ngɛ Egipt zugba a nɔ, se Farao ɔ be nyɛ tue bue.

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Yeremia 21:5

Imi nitsɛ i kɛ nyɛ maa hwu kɛ ye he wami tsuo, kɛ mi mi la nɛ nya wa wawɛɛ nitsɛ.

Yeremia 32:21

O pee okadihi, kɛ nyakpɛ níhi kɛ wo wa he nyɛli ɔmɛ a he gbeye, nɛ o kɛ o he wami kpetekpleenyɛ ɔ jé o ma Israel kɛ je Egipt zugba a nɔ.

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Mose V, 10:21

Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Mose V, 11:2

Nyɛ kai mwɔnɛ ɔ, níhi nɛ nyɛ kase ngɛ Yawɛ he, bɔ nɛ nyɛ nitsɛmɛ nyɛ kpa lɛ si ha. Tsa pi nyɛ bimɛ, se nyɛ nitsɛmɛ nɛ nyɛ kpa ní nɛ ɔmɛ a si ɔ lɛ e ngɛ dee ɔ nɛ. Nyɛ na kaa Yawɛ kle, e kɔni si wa; e nyɛɔ peeɔ nɔ́ tsuaa nɔ́,

Mose V, 26:8

Yawɛ ngɔ e he wami kɛ kɔni si wami nɛ ngɛ gbeye kɛ je wɔ kɛ je Egipt. E pee okadihi, kɛ nyakpɛ níhi babauu.

Mose V, 29:3

Nyɛ na gbenɔ hiɔ gbeyegbeye ɔmɛ, okadi ɔmɛ, kɛ nyakpɛ ní nguangua amɛ nɛ Yawɛ pee ɔ.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Mose V, 34:12

Jehanɛ hu, gbalɔ kpa ko pee we ní nguanguahi nɛ ngɛ gbeye kaa níhi nɛ Mose pee ngɛ Israel ma a tsuo hɛ mi ɔ.

Mose V, 5:15

Kai kaa mo hu o ya ye nyɔguɛ ngɛ Egipt, nɛ imi Yawɛ, o Mawu ɔ kɛ kɔni si wami, kɛ nyɛmi kpɔ mo kɛ je lejɛ ɔ. Lɔ ɔ he nɛ i wo mo mlaa ke o ye Hejɔɔmi ligbi ɔ nɛ.

Mose V, 6:21

nyɛ de mɛ ke, ‘Sa a, Egipt matsɛ nyɔguɛhi ji wɔ, nɛ Yawɛ kɛ kɔni si wami je wɔ kɛ je Egipt.

Mose V, 7:19

Nyɛ kai gbenɔ hiɔhi nɛ a nya wa nɛ nyɛ na kɛ nyɛ hɛngmɛ ɔ. Nyɛ kai okadihi, kɛ nyakpɛ níhi nɛ Yawɛ, nyɛ Mawu ɔ kɛ kɔni si wami pee kɛ kpɔ̃ nyɛ ɔ. Bɔ nɛ Yawɛ kpata Egipt bi ɔmɛ a hɛ mi ɔ, jã kɛ̃ e maa pee je ma amɛ tsuo nɛ nyɛ ngɛ mɛ gbeye yee ɔ.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Yoshua 24:7

a fa kue ha mi, nɛ i ha diblii wo ngɛ a kɛ Egipt bi ɔmɛ a kpɛti. Nyagbe ɔ, i ha wo ɔ ba ha Egipt bi ɔmɛ a nɔ. Nyɛ nitsɛmɛ nyɛ na nɔ́ nɛ i pee Egipt ɔ. “ ‘Nyɛ hi nga kplanaa a nɔ be babauu.

1 Petro 5:6

Lɔ ɔ he ɔ, nyɛɛ ba nyɛ he si ha Mawu, nɔ nɛ he wa, nɛ e buu nyɛ he ɔ. Kɛkɛ ɔ, ke e su be nɛ lɛ nitsɛ e to ɔ, e ma wo nyɛ nɔ.