Mose V, 4:31 - BAIBLO ALOO NGMAMI KLƆUKLƆU Ɔ

³¹ Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Mose V, 4:31 ပူးပေါင်းရင်းမြစ်များ

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Kronika II, 30:9

Ke nyɛ kpale kɛ ba Yawɛ ngɔ ɔ, nyɛ nyɛmimɛ ɔmɛ, kɛ nyɛ bimɛ ɔmɛ a ní maa pee nihi nɛ ba nuu mɛ nyɔguɛ kɛ ho ɔ mɔbɔ. A maa ngmɛɛ a he, nɛ a maa kpale kɛ ba we ekohu. Yawɛ, nyɛ Mawu ɔ mi mi jɔ, nɛ e naa mɔbɔ. Ke nyɛ kpale kɛ ba e ngɔ ɔ, e ma he nyɛ atuu.”

Nehemia 1:5

“Yawɛ Mawu nɛ ngɛ hiɔwe lee! O kle, nɛ o he ngɛ gbeye. O yeɔ anɔkuale, nɛ o yeɔ o siwo nɔ. Nihi nɛ suɔ mo, nɛ a peeɔ níhi nɛ o fa ke a pee ɔ, o naa mɛ mɔbɔ.

Nehemia 9:31

O kua we mɛ; o na mɛ mɔbɔ, nɛ o kpataa we a hɛ mi hulɔ. Ejakaa Mawu mɔbɔ nalɔ kɛ dloolɔ ji mo!

La 103:8

Yawɛ naa mɔbɔ; e mi mi hi. E muklii mi fu we mla, se e mɔbɔ nami ɔ mohu hiɛ babauu.

La 105:8

E kaiɔ e somi ɔ daa. Si ko nɛ e wo ɔ, e yeɔ nɔ yi nɔhi tsuo.

La 111:4

Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

La 111:5

Nihi nɛ yeɔ lɛ gbeye ɔ, e lɛɔ mɛ. E hɛ ngɛ e somi ɔ nɔ kɛ yaa neneene.

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

La 116:5

Dloolɔ, kɛ dalɔ ji Yawɛ; ee, wa Mawu ɔ, mɔbɔ nalɔ ji lɛ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Mose II, 6:8

Ma ngɔ nyɛ kɛ ya zugba nɛ i wo si kaa i kɛ ma ha Abraham, Isak, kɛ Yakob ɔ nɔ; ma ngɔ kɛ ha nyɛ, nɛ e maa pee nyɛ nitsɛmɛ nyɛ nɔ. Imi Yawɛ nɛ i de.’ ”

Yeremia 14:21

Kai o siwo ɔmɛ, nɛ o ko kua wɔ. Ko ha nɛ Yerusalem hɛ mi nɛ pue si. Lejɛ ɔ o sɛ saminyayoo ɔ ngɛ. Somi nɛ o kɛ wɔ so ɔ, koo po mi.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Mose III, 26:42

lɛɛ imi hu ma kai somi ɔmɛ nɛ i kɛ Yakob, Isak, kɛ Abraham so ɔ. Kɛkɛ ɔ, si nɛ i wo kaa ma ngɔ zugba a ngɔ ha ye ma a, ma ti mi ekohu.

Mose III, 26:44

Se kɛ̃ ɔ, be mi nɛ a ngɛ a he nyɛli ɔmɛ a zugba nɔ kɛ mwɔɔ ɔ po, i be mɛ kuae, nɛ i be a hɛ mi kpatae pɛsɛpɛsɛ, bɔ nɛ pee nɛ somi nɛ i kɛ mɛ so ɔ se ko po. Imi ji Yawɛ, a Mawu ɔ nɛ.

Mose III, 26:45

A he ɔ, ma kai somi nɛ i kɛ a nɛmɛ ɔmɛ so, benɛ i je ye he wami kpo kɛ tsɔɔ je ma amɛ, benɛ i je mɛ kɛ je Egipt zugba a nɔ, konɛ ma pee a Mawu ɔ. Imi ji Yawɛ.”

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Luka 1:72

E de ke e maa na wa nɛmɛ ɔmɛ mɔbɔ, nɛ e maa ye e somi klɔuklɔu ɔ nɔ.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.