Mose V, 4:30 - BAIBLO ALOO NGMAMI KLƆUKLƆU Ɔ

³⁰ Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

Mose V, 4:30 ပူးပေါင်းရင်းမြစ်များ

Mose I, 49:1

Jehanɛ Yakob tsɔ ya de e bimɛ ɔmɛ ke, “Nyɛ ba bua nyɛ he nya nɛ ma de nyɛ nɔ́ nɛ maa ba nyɛ nɔ hwɔɔ se.

Nehemia 1:9

Se ke nyɛ kpale kɛ ba ye ngɔ, nɛ nyɛ ye ye mlaa amɛ a nɔ ɔ, ke je ɔ nyagbe he nɛ a gbɛ nyɛ ngɔ fĩa po, ma kpaka nyɛ kɛ ba he nɛ i to nɛ a ja mi ngɛ ɔ.’

La 107:13

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 107:6

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 18:6

Ngɛ ye haomi be ɔ mi ɔ, i tsɛ Yawɛ. I tsɛ ye Mawu, nɛ i de lɛ ke e piɛ ye he. E nu ye gbi ngɛ e we klɔuklɔu ɔ, nɛ e bu ye kue fami ɔ tue.

La 59:16

Se imi lɛɛ ma la kɛ je o yi, ejakaa o he wa. Daa mɔtu ɔ, ma la wawɛɛ kɛ je o yi, ejakaa o suɔmi ɔ ngɛ daa. Be nɛ i ngɛ amanehlu mi ɔ, mo lɛ o bu ye he, nɛ o baa ye yi.

Mose II, 18:8

Mose bɔ e ngatsɛ ɔ a blɔ hiami ɔ mi sanehi tsuo: níhi nɛ Yawɛ pee Farao ɔ kɛ Egipt bi ɔmɛ nɛ e kɛ kpɔ Israel bi ɔmɛ, a blɔ hiami ɔ mi pɔtɔ kɛ dengme, kɛ bɔ nɛ Yawɛ je mɛ kɛ je kulaa mi.

Yesaya 1:19

Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Yeremia 4:1

Yawɛ ke, “Israel bi, ke nyɛ suɔ kaa nyɛ maa kpale kɛ ba ye ngɔ ɔ, nyɛɛ ba! Ke nyɛ ma je amaga amɛ nɛ i hiee ɔ kɛ je ye hɛ mi,

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Kɔmɔ Yemi 3:40

Nyɛ ha nɛ waa hyɛ wa je mi bami mi saminya, nɛ waa kpale kɛ ba Yawɛ ngɔ.

Daniel 10:14

I ba, konɛ ma ba tsɔɔ mo nɔ́ nɛ maa ba o ma a nɔ hwɔɔ se, ejakaa nina a kɔɔ hwɔɔ se níhi a he.”

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Zakaria 6:15

Nihi nɛ ngɛ se lokoo maa ba nɛ a ba piɛ nyɛ he kɛ ma Yawɛ we ɔ. Kɛkɛ ɔ, nyɛ maa le kaa Yawɛ Tabohiatsɛ ɔ nitsɛ nɛ tsɔ mi nyɛ ngɔ. Ke nyɛ maa bu Yawɛ, nyɛ Mawu ɔ tue anɔkuale mi ɔ, lɛɛ ní nɛ ɔmɛ tsuo maa ba mi.

Mose IV, 24:20

Kɛkɛ nɛ Balaam na Amalek bi ɔmɛ ngɛ nina mi, nɛ gba gbi nɛ ɔ ba e nya, nɛ e de ke, “Sa a, Amalek ji ma nɛ a he wa pe je ma amɛ tsuo. Se nyagbenyagbe ɔ, a ma kpata a hɛ mi.”

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Mose V, 30:10

Nɔ́ nɛ hia ji kaa nyɛ maa bu e gbi tue, nɛ nyɛ maa ye e mlaa amɛ tsuo nɛ a ngma ngɛ mlaa womi nɛ ɔ mi ɔ a nɔ. E hia kaa nyɛɛ kpale kɛ ba Yawɛ ngɔ kɛ nyɛ tsui tsuo.

Mose V, 30:2

Ke nyɛɛ kɛ nyɛ nina maa kpale kɛ ba Yawɛ ngɔ, nɛ nyɛ maa je nyɛ tsui mi tsuo kɛ bu e gbi tue, nɛ nyɛ maa ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ,

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.