Mose V, 4:3 - BAIBLO ALOO NGMAMI KLƆUKLƆU Ɔ

³ Nyɛ nitsɛmɛ nyɛ na nɔ́ nɛ Yawɛ pee ngɛ Peor yo ɔ he. Nɔ tsuaa nɔ nɛ ya nyɛɛ Baal se ngɛ lejɛ ɔ, Yawɛ, nyɛ Mawu ɔ kpata e hɛ mi.

Mose V, 4:3 ပူးပေါင်းရင်းမြစ်များ

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Yoshua 22:17

Anɛ nyɛ kaii we yayami nɛ wa pee ngɛ Peor, benɛ Yawɛ kɛ gbenɔ hiɔ gbla lɛ nitsɛ e ma a tue ɔ lo? Wa ngɛ nɔ́ nae kɛ mwɔɔ ngɛ jamɛ a yayami ɔ he. Anɛ jamɛ a yayami ɔ pi ha wɔ lo?

Mose IV, 31:16

Nyɛ kai kaa yi nɛ ɔmɛ nɔuu lɛ a ya bu Balaam ga womi tue, nɛ a puɛ Israel bi ɔmɛ a juɛmi, nɛ a kɛ pee yayami kɛ si Yawɛ ngɛ Peor jamɛ a ligbi ɔ nɛ. Enɛ ɔ he je nɛ gbenɔ hiɔ ba Yawɛ ma a nɔ ɔ nɛ.

Mose IV, 26:64

Se nihi nɛ Mose kɛ osɔfo Aaron ngma a biɛ, benɛ a kane Israel ma a ngɛ Sinai nga a nɔ ɔ, jamɛatsɛmɛ ɔmɛ a ti nɔ kake ngmelu be ni nɛ ɔmɛ a kpɛti.

Mose V, 4:4

Se nyɛ nihi tsuo pɛpɛɛpɛ nɛ nyɛ mɛtɛ Yawɛ, nyɛ Mawu ɔ he ɔ, nyɛ ngɛ wami mi kɛ mwɔɔ.

Ezekiel 20:18

Se i bɔ a bimɛ ɔmɛ kɔkɔ mohu ke, mlaahi nɛ nyɛ nɛmɛ ɔmɛ wo ɔ, nyɛ ko ye a nɔ, nɛ nyɛ ko ngɔ a we amaga amɛ kɛ ble nyɛ he.

Mose V, 11:7

Niinɛ, nyɛ nitsɛmɛ nyɛ na ní nguanguahi tsuo nɛ Yawɛ tsu ɔ kɛ nyɛ hɛngmɛ.