Mose V, 4:26 - BAIBLO ALOO NGMAMI KLƆUKLƆU Ɔ

²⁶ I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Mose V, 4:26 ပူးပေါင်းရင်းမြစ်များ

Mose I, 19:13

ejakaa wa yaa kpata ma a hɛ mi. Yawɛ nu ma nɛ ɔ mi a he sane yayamihi babauu nitsɛ, nɛ lɔ ɔ he ɔ, e tsɔ wɔ konɛ wa ba kpata Sodom hɛ mi.”

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yeremia 16:13

Enɛ ɔ he je ɔ, ma fie nyɛ kɛ je zugba nɛ ɔ nɔ kɛ ya zugba nɛ nyɛ, loo nyɛ nɛmɛ ɔmɛ po li nɔ. Nyɛ ma ya sɔmɔ mawu kpahi ngɛ lejɛ ɔ nyɔ kɛ pia, nɛ i be nyɛ mɔbɔ nae.’ ”

Yeremia 2:12

Hiɔwe, ha nɛ nɔ́ nɛ ɔ nɛ pee mo nyakpɛ. Ha nɛ sawale nɛ nu mo, nɛ o he mi nɛ po.

Yeremia 22:29

Zugba lee, zugba! Bu Yawɛ munyu ɔ tue!

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Ezekiel 33:28

Ma ha zugba a nɔ tsuo maa pee pasaa kulaa, kɛkɛ ɔ, zugba a mi he wami nɛ a ngɔ a hɛ kɛ fɔ nɔ ɔ se maa po. Yo ɔmɛ a nɔ maa je gu; lejɛ ɔmɛ maa pee gbeye, nɛ nɔ ko nɔ ko be lejɛ ɔmɛ gue hu.

Ezekiel 36:4

Lɔ ɔ he ɔ, nyɛ Israel yohi, yokuhi, nyu dɔhi, kɔ̃hi, kɛ we dokuhi kɛ nyɛ he mahi nɛ a ha nyɛ mi ní nɛ nyɛ ba pee nɔ́ nɛ a yeɔ he fɛu ha mɛ, nyɛɛ bu nɔ́ nɛ imi Nyɔmtsɛ Yawɛ i ngɛ nyɛ dee ɔ tue.

Mose III, 18:28

Ke nyɛ hu nyɛ pee ní nɛ ɔmɛ kɛ ble zugba a, zugba a maa fie nyɛ kaa bɔ nɛ e fie nihi nɛ hi lejɛ ɔ loko nyɛ ba a.

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Mika 6:2

Nyɛ yohi, nyɛɛ bu munyuhi nɛ Yawɛ kɛ ngɛ e ma a nya poe ɔ tue! Nyɛ zugba a sisi tomihi nɛ nyɛ ngɛ daa, nyɛ ta tue! Yawɛ kɛ e ma, Israel na, nɛ e maa jaje e sane ɔ.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Mose V, 11:17

Ke nyɛ pee ja a, Yawɛ mi mi ma fu nyɛ. E be hae nɛ hiɔmi maa nɛ hu, nɛ zugba a ma gbli, nɛ e be ní bae hu. Kɛkɛ ɔ, e be kɛe nɛ hwɔ ma kpata nyɛ hɛ mi ngɛ zugba kpakpa nɛ Yawɛ kɛ ngɛ nyɛ hae nɛ ɔ nɔ.

Mose V, 28:20

“Ke nyɛ kua Yawɛ, nɛ nyɛ ya pee yayami ɔ, lɔ ɔ lɛɛ e kɛ gbiɛmi nɛ ɔmɛ maa ba nyɛ nɔ: nyɛ ma didaa; nyɛ maa pee basaa, nɛ nyɛ maa bɔ ahlua ngɛ nɔ́ tsuaa nɔ́ nɛ nyɛ ma tsu mi. E ma tsa nɔ ja kɛ yaa si nyɛ hɛ mi ma kpata tlukaa.

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Mose V, 28:45

“Haomi nɛ ɔmɛ tsuo maa ba nyɛ nɔ, nɛ e ma tsa nɔ jã kɛ̃ kɛ yaa su be nɛ nyɛ hɛ mi ma kpata pɛsɛpɛsɛ; ejakaa nyɛ bui Yawɛ, nyɛ Mawu ɔ gbi tue, nɛ nyɛ yi e mlaa amɛ tsuo nɛ i wo nyɛ ɔ a nɔ.

Mose V, 28:61

Jehanɛ, e ma ha hiɔ munomunohi, kɛ gbenɔ hiɔ yayamihi nɛ a wui a nɔ ta ngɛ Mawu womi ɔ nɛ a ngma mlaa amɛ, kɛ tsɔɔmi ɔmɛ ngɛ mi ɔ maa ba nyɛ nɔ, nɛ nyagbe ɔ, a ma kpata nyɛ hɛ mi pɛsɛpɛsɛ.

Mose V, 29:28

Yawɛ mi mi wo la wawɛɛ nitsɛ, nɛ e kɛ mi mi la nɛ nya wa nɛ ɔ hia mɛ kɛ je a zugba a nɔ, nɛ e sake mɛ ngɔ pue ma se zugba ko nɔ, nɛ lejɛ ɔ a ngɛ kɛ mwɔɔ.’

Mose V, 31:28

Nyɛɛ kpee nyɛ wɛtsoyi ɔmɛ, kɛ tsɔli ɔmɛ kɛ ba, konɛ ma de mɛ ní nɛ ɔmɛ. I ma tsɛ hiɔwe kɛ zugba nɛ a ye odase kɛ si mɛ.

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Mose V, 7:4

Ejakaa a ma kpaka nyɛ bimɛ ɔmɛ kɛ je Yawɛ he kɛ ya ja mawu kpahi. Ke e ba mi ja a, Yawɛ mi mi ma fu, nɛ e ma kpata nyɛ hɛ mi amlɔ.

Mose V, 8:19

Nyɛ hɛ ko je Yawɛ, nyɛ Mawu ɔ nɔ kɔkɔɔkɔ; nyɛ ko nyɛɛ mawu kpahi a se; nyɛ ko ya ja mɛ, nɛ nyɛ ko sɔmɔ mɛ. Ke nyɛ pee ja a, lɛɛ i ngɛ nyɛ kɔkɔ bɔe mwɔnɛ ɔ kaa a ma kpata nyɛ hɛ mi.

Mose V, 8:20

Ke nyɛ bui Yawɛ, nyɛ Mawu ɔ tue ɔ, lɛɛ e ma kpata nyɛ hɛ mi kaa bɔ nɛ e ngɛ je ma amɛ a hɛ mi kpatae ngɛ nyɛ blɔ nɔ ɔ.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yoshua 24:20

nɛ ke nyɛ si lɛ nɛ nyɛ ya sɔmɔ ma se mawuhi ɔ, e mi mi maa wo la, nɛ e maa gbla nyɛ tue. E ngɛ mi kaa e pee nyɛ kpakpa hyɛ lɛɛ, se e ma kpata nyɛ hɛ mi.”