Mose V, 4:25 - BAIBLO ALOO NGMAMI KLƆUKLƆU Ɔ

²⁵ “Ke nyɛ se kɛ ngɛ zugba a nɔ, nɛ nyɛ ná bimɛ, kɛ bibimɛ ɔ, nyɛ ko pee yayami kaa nyɛ maa puɛ amaga ko nɛ ngɛ su ko kulaa ha nyɛ he. E ji yayami agbo ngɛ Yawɛ hɛ mi nɛ ma ha e mi mi maa wo la.

Mose V, 4:25 ပူးပေါင်းရင်းမြစ်များ

Matsɛmɛ II, 21:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Ezekiel 8:10

Benɛ i sɛ tsu ɔ mi ɔ, i na nɛ a tɛni ní nɛ ɔmɛ ngɛ gbogbo ɔ he tsuo kɛ kpe: sinɔ slɔɔtohi babauu, lohwe nane eywiɛɛywiɛtsɛmɛ nɛ a hiee, kɛ Israel bi ɔmɛ a we amaga amɛ tsuo.

Hosea 9:17

Ye Mawu ɔ ma kua e ma a; ejakaa a bui lɛ tue. A maa wo lalaalo ngɛ je ma amɛ a kpɛti.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Mose V, 16:22

Jehanɛ hu, nyɛ ko ngɔ tɛ kɛ ma si nɛ nyɛ ja; Yawɛ, nyɛ Mawu ɔ hiɔ ní nɛ ɔmɛ.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 28:45

“Haomi nɛ ɔmɛ tsuo maa ba nyɛ nɔ, nɛ e ma tsa nɔ jã kɛ̃ kɛ yaa su be nɛ nyɛ hɛ mi ma kpata pɛsɛpɛsɛ; ejakaa nyɛ bui Yawɛ, nyɛ Mawu ɔ gbi tue, nɛ nyɛ yi e mlaa amɛ tsuo nɛ i wo nyɛ ɔ a nɔ.

Mose V, 28:61

Jehanɛ, e ma ha hiɔ munomunohi, kɛ gbenɔ hiɔ yayamihi nɛ a wui a nɔ ta ngɛ Mawu womi ɔ nɛ a ngma mlaa amɛ, kɛ tsɔɔmi ɔmɛ ngɛ mi ɔ maa ba nyɛ nɔ, nɛ nyagbe ɔ, a ma kpata nyɛ hɛ mi pɛsɛpɛsɛ.

Mose V, 30:18

lɛɛ i ngɛ nyɛ dee mwɔnɛ ɔ ke ma kpata nyɛ hɛ mi. Zugba nɛ ngɛ Yordan pa a se nɛ nyɛ yaa ngɔ ɔ, nyɛ se be kɛe ngɛ nɔ.

Mose V, 30:19

Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Mose V, 32:5

Se nyɛɛ lɛɛ, nyɛ yi nyɛ siwo nɔ, nɛ nyɛ sɛ kulaa kaa nyɛ peeɔ e ma. Ma nɛ peeɔ yayami, nɛ sisiɔ nɔ ji nyɛ.

Mose V, 4:16

konɛ nyɛ ko ya ye sane yaya, nɛ nyɛ ya pee amaga ko ha nyɛ he, nɛ ngɛ kaa nyumu, loo yo,

Mose V, 4:23

Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yoshua 24:20

nɛ ke nyɛ si lɛ nɛ nyɛ ya sɔmɔ ma se mawuhi ɔ, e mi mi maa wo la, nɛ e maa gbla nyɛ tue. E ngɛ mi kaa e pee nyɛ kpakpa hyɛ lɛɛ, se e ma kpata nyɛ hɛ mi.”