Mose V, 4:23 - BAIBLO ALOO NGMAMI KLƆUKLƆU Ɔ

²³ Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Mose V, 4:23 ပူးပေါင်းရင်းမြစ်များ

Matsɛmɛ II, 17:38

somi nɛ i kɛ nyɛ so ɔ hu nyɛ hɛ ko je nɔ.

Kronika I, 16:15

Nyɛ hɛ ko je Mawu somi ɔ nɔ gblegbleegble, somi nɛ ngɛ kɛ yaa neneene ɔ,

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

Ezekiel 16:59

Nyɔmtsɛ Yawɛ ke, “I kɛ mo maa to ní kaa bɔ nɛ mo hu o pee ɔ; ejakaa o bui somi ɔ, nɛ kita nɛ o ka a, o yi nɔ.

Ezekiel 8:10

Benɛ i sɛ tsu ɔ mi ɔ, i na nɛ a tɛni ní nɛ ɔmɛ ngɛ gbogbo ɔ he tsuo kɛ kpe: sinɔ slɔɔtohi babauu, lohwe nane eywiɛɛywiɛtsɛmɛ nɛ a hiee, kɛ Israel bi ɔmɛ a we amaga amɛ tsuo.

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose IV, 15:39

Deke nɛ ɔmɛ maa pee kaimi nɔ́ kɛ ha nyɛ. Ke nyɛ hyɛ mɛ pɛ nyɛ ma kai Yawɛ mlaa amɛ tsuo, nɛ nyɛ maa ye a nɔ, konɛ nyɛ ko je ye se kɛ ya nyɛɛ basabasa kɛ pee nyɛ suɔmi nya ní.

Mateo 24:4

Yesu he nɔ nɛ e de mɛ ke, “Nyɛɛ hyɛ nɛ hi, konɛ nɔ ko kó ba mlɔɔ nyɛ.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Mose V, 16:22

Jehanɛ hu, nyɛ ko ngɔ tɛ kɛ ma si nɛ nyɛ ja; Yawɛ, nyɛ Mawu ɔ hiɔ ní nɛ ɔmɛ.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 27:9

Lɔ ɔ se ɔ, Mose kɛ osɔfo ɔmɛ nɛ ji Levi bi ɔmɛ tu munyu kɛ tsɔɔ Israel ma kpekpemi ɔ tsuo ke, “Nyɛɛ pee dii nɛ nyɛɛ bu mi tue. Israel bi, mwɔnɛ ligbi nɛ ɔ, nyɛ pee Yawɛ, nyɛ Mawu ɔ ma.

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Mose V, 4:25

“Ke nyɛ se kɛ ngɛ zugba a nɔ, nɛ nyɛ ná bimɛ, kɛ bibimɛ ɔ, nyɛ ko pee yayami kaa nyɛ maa puɛ amaga ko nɛ ngɛ su ko kulaa ha nyɛ he. E ji yayami agbo ngɛ Yawɛ hɛ mi nɛ ma ha e mi mi maa wo la.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Mose V, 5:2

Yawɛ, wa Mawu ɔ kɛ wɔ so ngɛ Sinai yo ɔ he.

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

Yoshua 23:11

Lɔ ɔ he ɔ, nyɛɛ hyɛ saminya, nɛ nyɛɛ suɔ Yawɛ, nyɛ Mawu ɔ.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”