Mose V, 4:2 - BAIBLO ALOO NGMAMI KLƆUKLƆU Ɔ

² Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Mose V, 4:2 ပူးပေါင်းရင်းမြစ်များ

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Abɛ Womi 30:6

Koo ngɔ nɔ́ ko kɛ piɛ Mawu munyu ɔmɛ a he. Ke o pee ja a, Mawu ma ka o hɛ mi, nɛ nihi tsuo maa na kaa lakpatsɛ ji mo.”

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Galatabi 3:15

Ye nyɛmimɛ, i suɔ kaa ma ha nyɛ nɔ hyɛmi nɔ́ ko kɛ je wa je mi si himi mi. Ke ni enyɔ ma nɔ́ ko nya si, nɛ a pee womi ngɔ fɔ nɔ ɔ, nɔ ko nɔ ko be nyɛe maa po mi, loo e maa ngɔ nɔ́ kpa ko ngɔ piɛ he.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Mateo 5:43

“Tse nyɛ nu nɛ a de ke, ‘Suɔ o huɛ, nɛ o nyɛ o he nyɛlɔ.’

Mose V, 1:3

Se jeha nyingmi eywiɛne ɔ, nyɔhiɔ nɛ ji nyɔngma kɛ kake ɔ we kekleekle ligbi ɔ loko Mose tu munyuhi tsuo nɛ Yawɛ fa lɛ ke e de Israel ma a kɛ tsɔɔ mɛ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 4:14

Yawɛ de mi jamɛ a be ɔ mi ke ma tsɔɔ nyɛ mlaa amɛ tsuo nɛ nyɛ maa ye a nɔ ngɛ zugba a nɛ nyɛ yaa ngɔ ɔ nɔ ɔ.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 33:4

Wa yeɔ mlaa nɛ Mose wo wɔ ɔ nɔ; ejakaa wa ma a weto ní nitsɛnitsɛ ji Mawu mlaa a nɛ.

La 78:7

Kɛkɛ ɔ, mɛ hu a maa ngɔ a hɛ kɛ fɔ Mawu nɔ. Níhi nɛ e tsu ha mɛ ɔ, a hɛ be nɔ jee, nɛ a maa ye e mlaa amɛ a nɔ daa;

Yeremia 26:2

Yawɛ de mi ke, “Yaa nɛ o ya da si ngɛ kue ɔ mi ngɛ Yawɛ we ɔ. Nihi nɛ jeɔ Yuda ma amɛ tsuo a mi kɛ baa lejɛ ɔ nɛ a ba jaa mi ɔ, de mɛ níhi tsuo nɛ i fa mo ke o fiɛ ha mɛ ɔ. Ko si ekoeko.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Mose V, 5:32

“Israel ma, i ngɛ nyɛ dee ke nyɛɛ hyɛ saminya, nɛ nyɛɛ ye nɔ́ tsuaa nɔ́ nɛ Yawɛ, nyɛ Mawu ɔ ngɛ nyɛ fae ke nyɛɛ pee ɔ nɔ. Nyɛ ko gbo e mlaa amɛ ekoeko tue.

Mose V, 13:1

“Ke gbalɔ ko, loo nlami sisi tsɔɔlɔ ko wo si ke e maa pee okadi ko, loo nyakpɛ nɔ́ ko,

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.