Mose V, 4:15 - BAIBLO ALOO NGMAMI KLƆUKLƆU Ɔ

¹⁵ “Benɛ Yawɛ kɛ nyɛ tu munyu kɛ je la a mi ngɛ Sinai yo ɔ nɔ ɔ, nyɛ nɛ́ su ko su ko. Lɔ ɔ he ɔ, nyɛɛ hyɛ nyɛ he nɔ saminya,

Mose V, 4:15 ပူးပေါင်းရင်းမြစ်များ

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

Yeremia 17:21

De mɛ ke, ke a suɔ nɛ a yi nɛ na wami ɔ, lɛɛ a ko tloo tlomi ko Hejɔɔmi ligbi ɔ; a ko tloo nɔ́ ko kɛ gu Yerusalem agbo ɔmɛ a mi kɛ ba ma a mi.

Abɛ Womi 4:27

Koo pee yayami. Ko gba kɛ je blɔ nɛ da nɔ; yaa o hɛ mi tɛɛ.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

La 119:9

Ke niheyo ngɛ hlae nɛ e ba e je mi bɔ nɛ sa a, kɛ e maa pee kɛɛ? Bɔ nɛ e maa pee ji e maa ye o mlaa amɛ a nɔ.

Yoshua 23:11

Lɔ ɔ he ɔ, nyɛɛ hyɛ saminya, nɛ nyɛɛ suɔ Yawɛ, nyɛ Mawu ɔ.

Mose V, 4:12

Jehanɛ, nyɛ de mɛ bɔ nɛ Yawɛ kɛ nyɛ tu munyu kɛ je la a mi. Nyɛ nu munyu ɔmɛ, se nyɛ nɛ́ lɛ nitsɛ e su ko kulaa; gbi ɔ kɛkɛ nɛ nyɛ nu nɛ ngɛ munyu ɔmɛ tue.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Mose V, 4:23

Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Mose II, 19:1

Nɛ Israel bi ɔmɛ je Egipt ɔ se nyɔhiɔ etɛne ɔ kekleekle ligbi ɔ, a je Refidim kɛ ho Sinai nga a nɔ ya, nɛ a ya to si ngɛ Sinai yo ɔ sisi.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Mose V, 4:14

Yawɛ de mi jamɛ a be ɔ mi ke ma tsɔɔ nyɛ mlaa amɛ tsuo nɛ nyɛ maa ye a nɔ ngɛ zugba a nɛ nyɛ yaa ngɔ ɔ nɔ ɔ.

Mose V, 5:8

“ ‘Koo puɛ amaga ko, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ ko nɛ ngɛ nyu mi ngɛ zugba a sisi.

Mose V, 4:36

E ha nyɛ nu e gbi kɛ je hiɔwe, konɛ e kɛ tsɔse nyɛ; nyɛ na e la klɔuklɔu ɔ ngɛ zugba a nɔ, nɛ e kɛ nyɛ tu munyu kɛ je mi.

Mose V, 5:4

Yawɛ kɛ nyɛ tu munyu hɛ mi kɛ hɛ mi kɛ je la mi, ngɛ yo ɔ nɔ.

Mose V, 9:10

Lɔ ɔ se ɔ, Yawɛ ngɔ tɛ tɛtlɛɛ enyɔ ɔmɛ ngɔ ha mi. Lɛ nitsɛ nɛ e ngɔ e nine nguɛ kɛ ngma munyu ɔmɛ tsuo nɛ e kɛ nyɛ tu kɛ je la a mi ngɛ yo ɔ nɔ jamɛ a ligbi ɔ nɛ nyɛ bua nyɛ he nya ngɛ yo ɔ sisi ɔ ngɔ fɔ tɛ ɔmɛ a nɔ.

Mose V, 10:4

Jehanɛ, Yawɛ ngma munyu ɔmɛ nɛ e ngma ngɛ kekle tɛ tɛtlɛɛ enyɔ ɔmɛ a nɔ ɔ ngɔ wo tɛ tɛtlɛɛ ehe nɛ ɔmɛ a nɔ. Munyu nɛ ɔmɛ ji mlaa nyɔngma amɛ nɛ a ngma ha nyɛ, benɛ e tu munyu kɛ je la a mi ligbi ɔ nɛ nyɛ bua nyɛ he nya ngɛ yo ɔ he ɔ. Kɛkɛ nɛ Yawɛ ngɔ tɛ tɛtlɛɛ ɔmɛ ngɔ ha mi;

Matsɛmɛ I, 19:12

Zugba mimiɛmi ɔ se ɔ, la ba, se Yawɛ be la a mi. La a se ɔ, gbi ko nɛ he jɔ pɛ blɛuu.