Mose V, 34:9 - BAIBLO ALOO NGMAMI KLƆUKLƆU Ɔ

⁹ Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Mose V, 34:9 ပူးပေါင်းရင်းမြစ်များ

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Ni Tsumi 6:6

A kɛ mɛ ba da bɔfo ɔmɛ a hɛ mi; kɛkɛ nɛ bɔfo ɔmɛ sɔle, nɛ a kɛ a nine pue a nɔ.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Daniel 6:3

E kɛ we kulaa nɛ Daniel ba je e he kpo kaa nɔmlɔ nɛ kɔni si wa kɛ ní tsumi pe nikɔtɔma kpa amɛ, kɛ amlaalo ɔmɛ tsuo. Akɛnɛ e le ní tsumi saminya he je ɔ, matsɛ ɔ to e yi mi kaa e maa pee lɛ ma ní tsulɔ nɔkɔtɔma pe kulaa ngɛ e matsɛ yemi ɔ tsuo mi.

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;

Matsɛmɛ II, 2:9

Benɛ a po pa a, Eliya bi Elisha ke, “Mɛni o suɔ nɛ ma pee ha mo loko a ba ngɔ mi kɛ je o he?” Elisha he nɔ ke, “I kpa mo pɛɛ, ha mi o mumi he wami ɔ totoe enyɔ.”

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Kolosebi 2:3

Nile, kɛ juɛmi nɛ mi kuɔ ɔ, Kristo mi a naa ngɛ.

Mose IV, 11:17

Ma kple si, nɛ i kɛ mo ma ba tu munyu ngɛ lejɛ ɔ. Ma je mumi nɛ ngɛ o mi ɔ eko kɛ ha mɛ. A maa kpee mo kɛ tloo ma a tlomi ɔ, nɛ mo nɔ kake too pɛ o be tlooe hu.

Mose II, 31:3

nɛ i ngɔ mumi mi nike ní babauu ngɔ ha lɛ. I dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo,

1 Timoteo 5:22

Koo ye esɔ kaa o maa ngɔ o nine kɛ pue nɔ ko nɔ kɛ wo lɛ asafo nɔkɔtɔma nɛ e tsu ní ha Nyɔmtsɛ ɔ. Ke nɔ ko ngɛ yayami pee ɔ, ko ya piɛ e he. Pee o he klɔuklɔu.

1 Timoteo 4:14

Mumi mi níhi nɛ Mawu kɛ dloo mo kɛ gu gbali ɔmɛ a nɔ benɛ asafo nikɔtɔma amɛ ngɔ a nine kɛ pue o yi mi ɔ, yaa nɔ nɛ o tsu a he ní daa.

Mose V, 34:8

Israel ma a nyɛ ya ha lɛ ligbi nyingmi etɛ ngɛ Moab nga kplanaa a nɔ.

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

Mose II, 28:3

Mo tsɛ nihi tsuo nɛ i kɛ ga ní tsumi he juɛmi dloo mɛ ɔ, nɛ o ha a kpɛ Aaron tade ɔmɛ kɛ pee lɛ klɔuklɔu, bɔ nɛ pee nɛ e ye osɔfo kɛ sɔmɔ mi.

Kronika I, 29:23

Lɔ ɔ he ɔ, Salomo ba hi matsɛ sɛ ɔ nɛ Yawɛ nitsɛ to sisi ɔ nɔ ngɛ e tsɛ David nane mi. E matsɛ yemi ɔ ya nɔ wawɛɛ nitsɛ, nɛ Israel ma a tsuo buɔ lɛ tue.