Mose V, 34:5 - BAIBLO ALOO NGMAMI KLƆUKLƆU Ɔ

⁵ Yawɛ tsɔlɔ Mose gbo ngɛ lejɛ ɔ, ngɛ Moab zugba a nɔ kaa bɔ nɛ Yawɛ de to ɔ.

Mose V, 34:5 ပူးပေါင်းရင်းမြစ်များ

Matsɛmɛ II, 1:17

Ahazia gbo niinɛ kaa bɔ nɛ Yawɛ gu Eliya nɔ de to ɔ. Nɛ akɛnɛ Ahazia be binyumu he je ɔ, e nyɛminyumu Yoram ba ye matsɛ ngɛ e se ngɛ Yuda matsɛ, Yehoram nɛ ji Yehoshafat binyumu ɔ yi nɔ jeha enyɔne ɔ mi.

Kronika II, 1:3

Nɛ Salomo kɛ ma a tsuo pue nɔ kɛ ho jami he ɔ ya ngɛ Gibeon. A ya lejɛ ɔ, ejakaa kpe he bo tsu ɔ nɛ Yawɛ tsɔlɔ Mose pee ngɛ nga a nɔ ɔ, Gibeon ji he nɛ e ngɛ.

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose IV, 12:7

Ye tsɔlɔ Mose lɛɛ e slo lɛ! Lɛɛ i ngɔ lɛ ngɔ to ye ma Israel tsuo nya.

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Mose V, 32:50

O ma gbo ngɛ lejɛ ɔ kaa bɔ nɛ o nyɛminyumu Aaron hu gbo ngɛ Hor yo ɔ nɔ ɔ,

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!