Mose V, 34:3 - BAIBLO ALOO NGMAMI KLƆUKLƆU Ɔ

³ Yuda zugba a leneyi je, kɛ nga kplanaa a nɛ ngɛ kɛ je Zoar kɛ ya su ma ngua a nɛ tã ngɛ mi, nɛ e biɛ ji Yeriko ɔ.

Mose V, 34:3 ပူးပေါင်းရင်းမြစ်များ

Kronika II, 28:15

A hla ni eywiɛ ɔmɛ nɛ a wo a biɛ ta a ke a hyɛ ta nyɔguɛ ɔmɛ a nɔ. Nihi tsuo nɛ hɛɛ a he gu, nɛ e hia kaa a ha mɛ bo nɛ a bu ɔ, a ha mɛ bo; ni nɛmɛ nɛ e hia kaa a ha mɛ tade nɛ a wo hu, a ha mɛ tade. Ta yibu ní ɔmɛ nɛ a ha a ekomɛ ji bo ɔmɛ, kɛ tade ɔmɛ ɔ nɛ. Jehanɛ, a ha mɛ tokota nɛ a wo; a ha mɛ ní nɛ a ye; a ha mɛ nyu nɛ a nu, nɛ a to a pa amɛ a nɔ nu. Ni nɛmɛ nɛ pɔ tɔ mɛ, nɛ he wami be a he ɔ, a ngɔ mɛ ngɔ hi tejihi a nɔ, nɛ a kpale mɛ tsuo kɛ ho Yuda zugba a nɔ ya ngɛ Yeriko, ma nɛ tã ngɛ mi ɔ. Lɔ ɔ se ɔ, Israel bi ɔmɛ kpale kɛ ho Samaria ya.

Manyadali 3:13

Matsɛ Eglon, kɛ Amon bi ɔmɛ, kɛ Amalek bi ɔmɛ pee kake kɛ ya tua Israel bi ɔmɛ. A ye a nɔ, nɛ a ngɔ ma a nɛ tãhi ngɛ mi ɔ.

Manyadali 1:16

Mose ngatsɛ, Ken no ɔ nina nɛ ji Ken bi ɔmɛ, kɛ Yuda bi ɔmɛ je Yeriko, tã ma a mi kɛ ba Yuda nga a nɔ, ngɛ Arad leneyi je, nɛ a kɛ Amalek bi ɔmɛ ba hi si ngɛ lejɛ ɔ.

Mose I, 19:22

Tuu fo kɛ ya lejɛ ɔ esɔ! I be nɔ́ ko pee kaa ja o ya su lejɛ ɔ lolo.” Akɛnɛ Lot de ke ma bɔbɔyoo ji ma a he je ɔ, a wo ma a biɛ ke Zoar.

Mose I, 14:2

gba ta wo matsɛmɛ enuɔ komɛ: mɛ ji Sodom matsɛ, Bera; Gomora matsɛ, Birsha; Adma matsɛ, Shina; Zeboiim matsɛ, Shemeber; kɛ Bela (aloo Zoar) matsɛ.

Mose IV, 34:3

Leneyi je zugba a maa je Zin nga a nɔ, kɛ nyɛɛ Edom huzu ɔ nya; nɛ nyɛ huzu ɔ ngɛ leneyi je ɔ maa je Ngo wo ɔ nya, ngɛ beleku je.

Mose I, 14:8

Kɛkɛ nɛ Sodom, Gomora, Adma, Zeboiim, kɛ Bela matsɛmɛ ɔmɛ ya bua a ta buli ɔmɛ a nya ngɛ Sidim Kɔ̃ ɔ mi,

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.