Mose V, 34:11 - BAIBLO ALOO NGMAMI KLƆUKLƆU Ɔ

¹¹ Gbalɔ kpa ko hu tsu we nyakpɛ níhi nɛ Yawɛ ha nɛ Mose tsu ngɛ Egipt matsɛ ɔ, kɛ e tsɔli ɔmɛ, kɛ e zugba a tsuo nɔ ɔ kaa lɛ.

Mose V, 34:11 ပူးပေါင်းရင်းမြစ်များ

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Mose V, 26:8

Yawɛ ngɔ e he wami kɛ kɔni si wami nɛ ngɛ gbeye kɛ je wɔ kɛ je Egipt. E pee okadihi, kɛ nyakpɛ níhi babauu.

Mose V, 34:10

Gbalɔ ko ti si hu ngɛ Israel kaa Mose, nɛ́ e kɛ Mawu tu munyu hɛ mi kɛ hɛ mi.

Mose V, 34:12

Jehanɛ hu, gbalɔ kpa ko pee we ní nguanguahi nɛ ngɛ gbeye kaa níhi nɛ Mose pee ngɛ Israel ma a tsuo hɛ mi ɔ.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose V, 7:19

Nyɛ kai gbenɔ hiɔhi nɛ a nya wa nɛ nyɛ na kɛ nyɛ hɛngmɛ ɔ. Nyɛ kai okadihi, kɛ nyakpɛ níhi nɛ Yawɛ, nyɛ Mawu ɔ kɛ kɔni si wami pee kɛ kpɔ̃ nyɛ ɔ. Bɔ nɛ Yawɛ kpata Egipt bi ɔmɛ a hɛ mi ɔ, jã kɛ̃ e maa pee je ma amɛ tsuo nɛ nyɛ ngɛ mɛ gbeye yee ɔ.