Mose V, 33:3 - BAIBLO ALOO NGMAMI KLƆUKLƆU Ɔ

³ Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.

Mose V, 33:3 ပူးပေါင်းရင်းမြစ်များ

La 31:15

I ngɛ o dɛ mi be tsuaa be. Mo je mi kɛ je ye he nyɛli a dɛ mi; mo je mi kɛ je nihi nɛ waa mi yi mi ɔ a dɛ mi.

La 47:4

Lɛ nitsɛ nɛ e ngɔ zugba nɛ wa ngɛ nɔ nɛ ɔ ngɔ ha wɔ. E ngɔ weto ní kpakpa nɛ ɔ ngɔ ha e ma Yakob nɛ e suɔ saminya a.

La 50:5

Bɔ nɛ e ngɛ dee ji nɛ ɔ nɛ: “Ye ni klɔuklɔuhi nɛ i kɛ mɛ so kɛ gu bɔ sami mi ɔ, nyɛ bua a nya kɛ ba ha mi.”

Abɛ Womi 2:1

Ye bi, bu ye munyu ɔmɛ tue, nɛ o pɛtɛ ye mlaa amɛ a he saminya.

Fiɛlɔ 9:1

I ba susu ní nɛ ɔmɛ tsuo a he saminya, nɛ i na kaa níhi nɛ dali, kɛ ní leli peeɔ ɔ, Mawu le he nɔ́ ko; suɔmi kɛ nyɛmi po, nɔmlɔ adesa be a nɔ he wami. Nɔ ko nɔ ko li nɔ́ nɛ ngɛ e hɛ mi kɛ ma.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Hosea 11:1

Benɛ Israel bi ɔmɛ ngɛ kaa jokuɛwi ɔ, i suɔ a sane, nɛ i je mɛ kɛ je Egipt.

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

Mateo 23:2

“Mlaa tsɔɔli ɔmɛ, kɛ Farisi bi ɔmɛ ji nihi nɛ a ngɔ he wami ngɔ wo a dɛ, konɛ a tsɔɔ Mose mlaa a sisi saminya.

Luka 10:39

Marta ngɛ nyɛmiyo ko nɛ a tsɛɛ lɛ Maria. Maria ba hi si ngɛ Nyɔmtsɛ ɔ nane nya, nɛ e ngɛ nɔ́ nɛ e ngɛ dee ɔ tue bue.

Luka 2:46

Ligbi etɛne ɔ, a ya na lɛ ngɛ sɔlemi we ɔ nɛ e hii si ngɛ mlaa tsɔɔli ɔmɛ a kpɛti; e ngɛ mɛ tue bue, nɛ e ngɛ mɛ ní bie.

Luka 8:35

nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Ni Tsumi 22:3

“Yuda no ji mi; nɛ a fɔ mi ngɛ Tarso ngɛ Kilikia mohu, se Yerusalem hiɛmɛ nɛ ɔ nɛ a lɛ mi ngɛ. Gamaliel lɛ tsɔɔ mi ní. A tsɔse mi bɔ nɛ sa ngɛ wa nɛmɛ ɔmɛ a mlaa a nya. I kplɛɛ we nɔ́ ngɛ Mawu he kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Mose V, 4:37

Akɛnɛ e suɔ nyɛ nɛmɛ ɔmɛ he je ɔ, e hla nyɛ, nɛ lɛ nitsɛ e kɛ e he wami kpetekpleenyɛ ɔ je nyɛ kɛ je Egipt.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.