Mose V, 33:22 - BAIBLO ALOO NGMAMI KLƆUKLƆU Ɔ

²² Bɔ nɛ Mose gbaa Dan wɛtso ɔ ji nɛ ɔ nɛ: “Dan ngɛ kaa jata bi; e hii tuue ngɛ Bashan yo ɔ nɔ.”

Mose V, 33:22 ပူးပေါင်းရင်းမြစ်များ

Manyadali 18:27

Benɛ Dan bi ɔmɛ a nine su ní ɔmɛ nɛ Mika pee ɔ, kɛ e osɔfo ɔ a nɔ ɔ, a ho nɛ a ya tua Laish ma kɛ e mi bi kpoo nɛ nɔ́ ko nɔ́ ko pue we a tsui nɔ ɔ ngɛ Bet Rehob bi ɔmɛ a kɔ̃ ɔ mi. A kɛ klaate gbe ma a mi bi ɔmɛ, nɛ a mɛ ma a he la. Nɔ ko nɔ ko ji ngmlaa ha mɛ, ejakaa Laish kɛ Sidon he kɛ, nɛ jehanɛ hu, a kɛ nɔ ko nɔ ko be bɔmi. Dan bi ɔmɛ dla po ma a, nɛ a hi lejɛ ɔ.

Yoshua 19:47

Benɛ Dan bi ɔmɛ a zugba je a dɛ ɔ, a kuɔ yo ɔ nɛ a ya tua Laish ma a. A gbe ma mi bi ɔmɛ tsuo, nɛ a ngɔ ma a ngɔ pee a nɔ́. A tsake ma a biɛ Laish ɔ, nɛ a ngɔ a nɛ̃, Dan biɛ ngɔ wo ma a.

Manyadali 16:30

nɛ e de ke, “Ha nɛ i kɛ Filisti bi ɔmɛ nɛ gbo!” Kɛkɛ nɛ Samson ngɔ e he wami tsuo kɛ tsɛ̃ titima amɛ; nɛ tsu ɔ hule pue matsɛmɛ ɔmɛ, kɛ nihi tsuo pɛpɛɛpɛ nɛ ngɛ lejɛ ɔ a nɔ. Nɛ nimli nɛ Samson gbe ligbi ɔ nɛ e gbo ɔ, a hiɛ kulaa pe nimli nɛ e gbe ngɛ e wami be mi.

Manyadali 15:15

Kɛkɛ nɛ e na teji ko nɛ gbo kɛ we tsitsa mi wu. E ba si nɛ e kɛ̃, nɛ e kɛ gbe nyumuhi akpe.

Manyadali 15:8

Samson ya tua mɛ, nɛ e gbe mɛ pɛsɛpɛsɛ. Lɔ ɔ se ɔ, e ho nɛ e ya hi Etam tɛ sa puɔ ɔ mi.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Manyadali 14:6

Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

Manyadali 13:2

Jamɛ a be ɔ mi ɔ, nyumu ko ngɛ Zora nɛ je Dan weku ɔ mi; e biɛ ji Manoa. E yo ɔ lɛɛ yosa ji lɛ; e fɔ we hyɛ.

Hiob 37:1

Nɔ́ nɛ ɔ ha ye tsui po, nɛ e ngɛ fiae kplakplaakpla.

Ezekiel 19:2

La a deɔ ke, Mɛnɔ ji o nyɛ? O nyɛ ngɛ kaa jata yo ko nɛ buɔ si ngɛ jata kuhi a kpɛti! Lohwe katsɛmɛ nɛ ɔmɛ a kpɛti nɛ e lɛɔ e bimɛ ngɛ.

Ezekiel 19:3

E tsɔse e bimɛ ɔmɛ a kpɛti nɔ kake kɛ ya su be nɛ e ba wa. E tsɔɔ lɛ de, nɛ nimlihi tete po e nuɔ nɛ e yeɔ.