Mose V, 32:9 - BAIBLO ALOO NGMAMI KLƆUKLƆU Ɔ

⁹ Se Yakob nina lɛɛ, Yawɛ hla lɛ kaa lɛ nitsɛ e ma.

Mose V, 32:9 ပူးပေါင်းရင်းမြစ်များ

Samuel II, 14:16

I le sa kaa nɛnɛ maa bu nɔ́ nɛ i ngɛ dee ɔ tue, nɛ nɔmlɔ nɛ ngɛ hlae kaa e kpata i kɛ ye bi tsuo wa hɛ mi, konɛ Mawu weto ní nɛ e laa wɔ ɔ, e ma kpɔ mi kɛ je e dɛ mi.

Samuel II, 20:19

Wa ma nɛ ɔ, ma nguaa ji lɛ; tue mi jɔmi ngɛ mi, nɛ e ji mahi nɛ yeɔ Israel anɔkuale ɔ a kpɛti kake. Nɛ moo o ngɛ hlae nɛ o kpata ma a hɛ mi! Mɛni he je o ngɛ hlae nɛ o puɛ Yawɛ nitsɛ blɔ fa mi nɔ́ ɔ?”

Matsɛmɛ I, 8:51

Mo nitsɛ o ma ji mɛ; mo lɛ o je mɛ kɛ je Egipt, jamɛ a zugba a nɛ a hi mi kaa nɔ́ nɛ dade flɔɔnɔɔ mi lɛ a kɛ mɛ wo ɔ.

Matsɛmɛ I, 8:53

Mo lɛ o hla mɛ kɛ je je ma amɛ tsuo a kpɛti, nɛ o kɛ mɛ ba pee mo nitsɛ o ma kaa bɔ nɛ o gu o tsɔlɔ, Mose nɔ de mɛ, benɛ o je wa nɛmɛ ɔmɛ kɛ je Egipt ɔ.”

La 106:40

Enɛ ɔ he je ɔ, Yawɛ mi mi fu lɛ nitsɛ e ma a, nɛ e kua mɛ.

La 106:5

Ha nɛ ma na bɔ nɛ o ma mi bi ɔmɛ a he mi jɔ mɛ ha, konɛ bua jɔmi nɛ ba ma a mi ɔ, imi hu ma piɛ a he kɛ nya.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

La 74:2

Mo kai mo nitsɛ o ma nɛ o he kɛ je blema lokoo ɔ. Mo kai nihi nɛ o je kɛ je nyɔguɛ si himi mi, nɛ o pee mɛ mo nitsɛ o ma a. Mo kai Zion yo ɔ, he nɛ o hi sa a.

La 78:71

E je lɛ kɛ je to yihi, kɛ a bi tsɔwitsɔwihi a se. E wo lɛ matsɛ ngɛ Israel, konɛ e hyɛ lɛ, Mawu ɔ e ma a nɔ kaa bɔ nɛ to hyɛlɔ tsɔɔ to ɔ.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Yesaya 19:25

Yawɛ Tabohiatsɛ ɔ maa gbaa mɛ ke, “A gbaa mo, ye ma, Egipt, kɛ Asiria nɛ i ngɔ ye nine kɛ bɔ, kɛ Israel, ma nɛ i hla ngɔ to kaa ye weto ní.”

Yesaya 34:17

Yawɛ nitsɛ lɛ fɔ sɔ nɛ e dla zugba a pɛpɛɛpɛ ha mɛ, nɛ nɔ tsuaa nɔ ná eko. Zugba a maa pee a nɔ́ kɛ maa ya neneene, nɛ lejɛ ɔ a maa hi daa.

Yesaya 43:21

Mɛ ji ye ma nɛ imi nitsɛ i bɔ ha ye he, konɛ a la kɛ je ye yi!”

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Mika 2:5

Lɔ ɔ he ɔ, ke be su nɛ a maa kpale zugba a kɛ ha Yawɛ ma a, nyɛ ti nɔ ko nɔ ko be e blɔ fa mi nɔ́ ko nae.

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Yoshua 24:17

Yawɛ, wa Mawu ɔ lɛ je wɔ, kɛ wa nɛmɛ ɔmɛ kɛ je nyɔguɛ yemi mi ngɛ Egipt, nɛ wa na nyakpɛ níhi nɛ e pee ɔ. E baa wa yi, nɛ e je wɔ kɛ je wa he nyɛli ɔmɛ a dɛ mi ngɛ he tsuaa he nɛ wa gu ɔ.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.