Mose V, 32:8 - BAIBLO ALOO NGMAMI KLƆUKLƆU Ɔ

⁸ Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Mose V, 32:8 ပူးပေါင်းရင်းမြစ်များ

Mose I, 10:15

Kanaan bitɛte ji Sidon, kɛ e senɔ nyumu Het.

Mose I, 10:25

Eber ngɛ binyumuhi enyɔ; a wo e bitɛte ɔ biɛ ke Peleg, ejakaa jamɛ a be ɔ mi ɔ, a gba nyu dɔ ngɛ zugba a mi; Peleg senɔ ɔ biɛ ji Yoktan.

Mose I, 10:5

Nihi nɛ ngɛ wo nya zugba amɛ kɛ wo kpɔ ɔmɛ a nɔ ɔ, a nɛmɛ ji ni nɛ ɔmɛ nɛ. Yafet nina ji mɛ tsuo. A ngɛ mɛ nitsɛmɛ a zugbahi a nɔ wɛtso nya wɛtso nya, nɔ tsuaa nɔ kɛ e ma mi gbi.

Kronika I, 16:18

Yawɛ de lɛ ke, “I kɛ Kanaan zugba a ma ha mo; e maa pee o weto ní.”

Hiob 15:19

Mɛ pɛ lɛ a ngɔ zugba a ngɔ ha; nubwɔ ko nubwɔ ko be a kpɛti.

La 115:16

Hiɔwe ɔ tsuo e nɔ́, se zugba a lɛɛ e ngɔ kɛ ha nimli adesahi.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 7:17

Ma na Yawɛ si; ejakaa e yeɔ dami sane. Ma la kɛ je Yawɛ Hiɔwe No ɔ yi.

La 74:17

Mo lɛ o to huzu kɛ ha je ɔ; o pee latsa be kɛ fĩɛ be.

La 82:6

I ke, ‘Mawuhi ji nyɛ; nyɛ tsuo Hiɔwe No ɔ bimɛ ji nyɛ.’

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

La 92:8

Se mo Yawɛ, moo lɛɛ o maa ye tsɛ daa.

Yesaya 14:14

O de hu ke o maa kuɔ kɛ ya bɔku ɔmɛ a yi mi tɔɔ; nɛ o maa pee o he kaa Tabohiatsɛ ɔ nitsɛ.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Mika 2:5

Lɔ ɔ he ɔ, ke be su nɛ a maa kpale zugba a kɛ ha Yawɛ ma a, nyɛ ti nɔ ko nɔ ko be e blɔ fa mi nɔ́ ko nae.

Mose IV, 23:9

I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

Mose IV, 24:16

Lɛ nɛ e nuɔ Mawu gbi; Lɛ nɛ Mawu Ope ɔ jeɔ ninahi kɛ tsɔɔ; Lɛ nɛ ke e hɛli po e hɛngmɛhi fɔɔ si paa.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Ni Tsumi 7:48

“Pohu Hiɔwe No ɔ tsa hi tsu nɛ a kɛ adesa nine pee mi kaa bɔ nɛ gbalɔ ɔ hu de ɔ.

Mose V, 33:28

Lɔ ɔ he ɔ, Yakob nina maa hi si ngɛ tue mi jɔmi mi; a nine maa su zugba kpakpa nɔ, he nɛ bɔ́ nɛɔ ngɛ, nɛ́ blɛfo kɛ wai baa saminya ngɛ.