Mose V, 32:51 - BAIBLO ALOO NGMAMI KLƆUKLƆU Ɔ

⁵¹ ejakaa nyɛ ni enyɔ ɔmɛ tsuo nyɛ bui mi tue; nyɛ pue ye hɛ mi si ngɛ Israel bi ɔmɛ a hɛ mi. Nyɛ pue ye hɛ mi si ngɛ Meriba pa a nya, ngɛ Kadesh ma a kasa nya, ngɛ Zin nga kplanaa a nɔ. Nyɛ bui mi kaa nɔ klɔuklɔu ngɛ Israel ma a hɛ mi.

Mose V, 32:51 ပူးပေါင်းရင်းမြစ်များ

Mose IV, 27:14

ejakaa nyɛ ni enyɔ ɔmɛ tsuo nyɛ tsɔ ye hɛ mi atuã ngɛ Zin nga a nɔ. Benɛ Israel ma a te si ngɔ wo mi ngɛ Meriba a, nyɛ je we ye he wami klɔuklɔu ɔ kpo kɛ tsɔɔ we mɛ kaa bɔ nɛ i fa nyɛ ɔ.” (Meriba ji taku ko ngɛ Kadesh ngɛ Zin nga a nɔ.)

Mose IV, 20:24

“Aaron ma gbo, nɛ e nane enyɔ be zugba a nɛ i ngɔ ha Israel ma a nɔ mae; ejakaa nyɛ ni enyɔ ɔmɛ nyɛ tsɔ atuã wo mi ngɛ Meriba nyu ɔ he.

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!

Yesaya 8:13

O hɛ nɛ hi nɔ kaa imi Yawɛ Tabohiatsɛ ɔ, i ngɛ klɔuklɔu; imi ji nɔ nɛ sa kaa o ye gbeye.

Yoshua 15:1

Zugba nɛ a ha Yuda wɛtso ɔ we puɔ nya we puɔ nya a, bɔ nɛ e fɔ si ji nɛ ɔ nɛ. Zugba a leneyi je ngɛ Zin nga kplanaa a nyagbe tɔɔ, ngɛ Edom huzu ɔ nya.

Ezekiel 47:19

“Leneyi je huzu ɔ je Tamar, kɛ gu Kadesh Meriba nyu ɔmɛ a he kɛ ya muɔ Egipt huzu ɔ, kɛ ya pi Mediterenia wo ɔ.