Mose V, 32:50 - BAIBLO ALOO NGMAMI KLƆUKLƆU Ɔ

⁵⁰ O ma gbo ngɛ lejɛ ɔ kaa bɔ nɛ o nyɛminyumu Aaron hu gbo ngɛ Hor yo ɔ nɔ ɔ,

Mose V, 32:50 ပူးပေါင်းရင်းမြစ်များ

Mose IV, 33:38

Osɔfo Aaron kuɔ Hor yo ɔ kaa bɔ nɛ Yawɛ fa lɛ ɔ, nɛ e ya gbo ngɛ lejɛ ɔ. Benɛ Israel bi ɔmɛ je Egipt se ɔ, jeha nyingmi eywiɛne ɔ we nyɔhiɔ nɛ ji enuɔ ɔ we kekleekle ligbi ɔ nɛ Aaron gbo ngɛ Hor yo ɔ nɔ.

Daniel 12:13

“Mo Daniel, ye anɔkuale kɛ yaa si nyagbe. O ma ba gbo, se o maa te si ekohu, nɛ nyagbe ligbi ɔ, o nine maa su o blɔ fa mi nɔ́ ɔ nɔ.”

Mose I, 49:33

Benɛ Yakob ka e bimɛ ɔmɛ kita a gbe nya a, e ya hwɔ si ekohu, nɛ e gbo.

Mose I, 25:17

Ishmael ye jeha lafa kɛ nyingmi etɛ kɛ kpaago nɛ e gbo.

Mose I, 15:15

Mo nitsɛ lɛɛ o maa hi si kɛ yaa si o maa bwɔ kotokoto, nɛ o ma gbo ngɛ he jɔmi mi, nɛ a maa pu mo.

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Mose V, 34:5

Yawɛ tsɔlɔ Mose gbo ngɛ lejɛ ɔ, ngɛ Moab zugba a nɔ kaa bɔ nɛ Yawɛ de to ɔ.

Mose IV, 32:38

Nebo, Baal Meon (a tsake biɛ nɛ ɔ), kɛ Sibma. Nɛ a wo mahi nɛ a po ɔ biɛ kpahi.

Mose IV, 33:30

A hia kɛ je Hashmona, nɛ a ya to si ngɛ Moserot.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.