Mose V, 32:47 - BAIBLO ALOO NGMAMI KLƆUKLƆU Ɔ

⁴⁷ Mlaa nɛ ɔmɛ pi munyu guhi; nyɛ wami daa si ngɛ a nɔ. Nyɛɛ ye a nɔ, konɛ nyɛ se nɛ kɛ ngɛ zugba a nɛ ngɛ Yordan se nɛ nyɛ yaa ngɔ ɔ nɔ.”

Mose V, 32:47 ပူးပေါင်းရင်းမြစ်များ

Abɛ Womi 4:22

Nɔ nɛ nuɔ munyu nɛ ɔmɛ a sisi ɔ, e naa wami nɛ e hii nɔmlɔ tso he wami saminya be tsuaa be.

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

Abɛ Womi 3:22

A ma ha mo he wami, nɛ o ma na bua jɔmi.

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

Abɛ Womi 3:18

Nihi nɛ le ní ɔ, a naa bua jɔmi; nile haa mɛ wami.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Ni Tsumi 7:38

Mose nɛ ɔ nɛ e kɛ Israel ma kpekpemi ɔ nɛ ji wa nɛmɛ ɔmɛ hi nga a nɔ ɔ nɛ. Lɛ nɛ e kɛ Mawu bɔfo ɔ tu munyu ngɛ Sinai yo ɔ he; nɛ lɛ nɔuu nɛ e ngɔ Mawu sɛ gbi nɛ wami ngɛ mi ɔ ba ha wɔ.

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Mose V, 33:25

Á ma a ma amɛ a nya dade agbohi, konɛ a na he wami daa.”

Amos 5:4

Bɔ nɛ Yawɛ ngɛ Israel ma a dee ji nɛ ɔ nɛ: “Nyɛɛ kpale kɛ ba nɛ nyɛ ba pee ye ma ekohu, konɛ nyɛ yi nɛ na wami.

Mose V, 30:16

Ke nyɛ maa ye Yawɛ, nyɛ Mawu ɔ mlaa amɛ nɛ i ngɛ nyɛ woe mwɔnɛ ligbi nɛ ɔ a nɔ, nɛ nyɛ maa suɔ lɛ, nɛ nyɛ maa bu lɛ tue, nɛ nyɛ maa nyɛɛ e blɔ ɔmɛ tsuo a nɔ ɔ, lɛɛ nyɛ yi ma na wami, nɛ nyɛ he maa hiɛ; Yawɛ, nyɛ Mawu ɔ maa gbaa nyɛ ngɛ zugba a nɛ nyɛ yaa ngɔ ɔ nɔ.

Mose V, 31:13

Ke e pee ja a, nyɛ bimɛ nɛ nui Yawɛ, nyɛ Mawu ɔ mlaa a hyɛ ɔ maa nu, nɛ a maa bu Yawɛ, nyɛ Mawu ɔ; nɛ a maa ye lɛ gbeye a wami ligbi tsuo nɛ́ a maa hi zugba a nɛ nyɛ yaa ngɔ ngɛ Yordan pa a se ɔ nɔ.”

Abɛ Womi 4:13

Kai slɔmi gbi nɛ a ha mo ɔ daa; koo ngmɛɛ he. Lɔ ɔ ji o wami.