Mose V, 32:46 - BAIBLO ALOO NGMAMI KLƆUKLƆU Ɔ

⁴⁶ e slɔ mɛ ke, “Nyɛɛ hyɛ saminya nɛ nyɛɛ ye mlaa nɛ ɔmɛ tsuo nɛ i ngɛ nyɛ woe mwɔnɛ ɔ a nɔ. Nyɛɛ tsɔɔ nyɛ bimɛ ɔmɛ, konɛ a ye Mawu mlaa amɛ tsuo a nɔ pɛpɛɛpɛ.

Mose V, 32:46 ပူးပေါင်းရင်းမြစ်များ

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

Ezekiel 40:4

E de mi ke, “Nɔmlɔ adesa, bli o hɛngmɛ nɛ o hyɛ nɔ́ saminya; ta tue nɛ o nu nɔ́ tsuaa nɔ́ pɛpɛɛpɛ, nɛ o ngɔ o juɛmi kɛ fɔ nɔ́ tsuaa nɔ́ nɛ ma tsɔɔ mo ɔ nɔ; ejakaa a ngɔ mo kɛ ba hiɛmɛ nɛ ɔ, bɔ nɛ pee nɛ ma ngɔ ní nɛ ɔmɛ kɛ tsɔɔ mo. Nɔ́ tsuaa nɔ́ nɛ o maa na a, yaa nɛ o ya de Israel ma a.”

Mose V, 11:18

“Nyɛ hɛ nɛ hi mlaa nɛ ɔmɛ a nɔ, nɛ nyɛ susu a he saminya. Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Luka 9:44

“Nɔ́ nɛ ma de nyɛ nɛ ɔ, nyɛɛ bu tue saminya! A maa ngɔ Nɔmlɔ Bi ɔ kɛ wo nihi nɛ he wa a dɛ mi.”

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Mose V, 32:45

Benɛ Mose kane Mawu mlaa amɛ kɛ tsɔɔ Israel ma a gbe nya a,

Abɛ Womi 12:28

Nɔ́ nɛ da peemi ji blɔ nɛ kɛ nɔ yaa wami mi. Nɔ nɛ nyɛɛɔ kikɛmɛ a blɔ nɛ ɔ nɔ ɔ, e be gboe.

Ezekiel 44:5

Kɛkɛ nɛ Yawɛ de mi ke, “Nɔmlɔ adesa, bli o hɛngmɛ nɛ o hyɛ nɔ́ tsuaa nɔ́ pɛpɛɛpɛ; bu nɔ́ tsuaa nɔ́ tue saminya. Blɔ nya tomihi, kɛ mlaahi nɛ kɔɔ ye we ɔ he ɔ, kadi mɛ, konɛ o hɛ ko je a nɔ. Ná nɛ o le kaa pi nɔ tsuaa nɔ kɛkɛ nɛ yaa ye we ɔ.

Amos 5:4

Bɔ nɛ Yawɛ ngɛ Israel ma a dee ji nɛ ɔ nɛ: “Nyɛɛ kpale kɛ ba nɛ nyɛ ba pee ye ma ekohu, konɛ nyɛ yi nɛ na wami.

Mose V, 11:19

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

La 78:5

E ha Israel bi ɔmɛ mlaa; ee, e ngɔ e munyu ɔ kɛ ha Yakob nina a. E fa wa nɛmɛ ɔmɛ ke a tsɔɔ a bimɛ ɔmɛ mlaa a,