Mose V, 32:43 - BAIBLO ALOO NGMAMI KLƆUKLƆU Ɔ

⁴³ “Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Mose V, 32:43 ပူးပေါင်းရင်းမြစ်များ

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

La 85:1

Yawɛ, o na wa zugba a mɔbɔ, nɛ o ha nɛ Israel ná e he ekohu.

Hiob 13:24

Mɛni he je o kɛ o hɛ mi laa mi ɔ? Mɛni he je o kɛ mi ngɛ ní toe kaa o he nyɛlɔ ɔ?

Matsɛmɛ II, 9:7

O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 15:2

Enɛ ɔ se ɔ, i na nɔ́ ko gbajaa ngɛ ye hɛ mi kaa wo; e hɛ mi tsɔ ngleinglei kaa ahuhuɛ, nɛ la ngɛ tsoe ngɛ mi. I na ni nɛmɛ nɛ ye kunimi ɔ hulɔ; a hɛɛ kpa sakuhi nɛ Mawu ha mɛ ɔ ngɛ a dɛ mi, nɛ a daa si ngɛ wo nɛ e hɛ mi tsɔ ngleinglei kaa ahuhuɛ ɔ kasa nya. Ee, a ye lohwe awi yelɔ ɔ, kɛ e we amaga a, kɛ nɔ nɛ yibɔ ko daa si ha e biɛ ɔ a nɔ kunimi.

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Yesaya 19:25

Yawɛ Tabohiatsɛ ɔ maa gbaa mɛ ke, “A gbaa mo, ye ma, Egipt, kɛ Asiria nɛ i ngɔ ye nine kɛ bɔ, kɛ Israel, ma nɛ i hla ngɔ to kaa ye weto ní.”

Yesaya 19:23

Ke jamɛ a be ɔ su ɔ, a maa je gbɛjegbɛ ko kɛ je Egipt kɛ ya Asiria. Egipt bi ɔmɛ maa ya Asiria bi ɔmɛ a ngɔ, nɛ Asiria bi ɔmɛ hu maa ya Egipt bi ɔmɛ a ngɔ, nɛ a maa pee kake kɛ ja Mawu.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

La 65:3

nɛ a ba bu akɔtaa ngɛ a yayami ɔmɛ a he. Ke wa he yayami ɔmɛ ngɛ wɔ haoe ɔ, mo lɛ o kɛ paa wɔ.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

Matsɛmɛ I, 8:43

moo bu e pɛɛ kpami ɔ tue. Moo nu ngɛ o hi he ɔ ngɛ hiɔwe, nɛ o pee nɔ́ nɛ e ngɛ hlae ɔ ha lɛ; bɔ nɛ pee nɛ nimli tsuo nɛ ngɛ je ɔ mi ɔ, a le mo, nɛ a bu mo kaa bɔ nɛ o ma, Israel bi ɔmɛ buu mo ɔ. Kɛkɛ ɔ, a maa le kaa we nɛ ɔ nɛ i po ɔ ji he nɛ sa nɛ a ja mo ngɛ.

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

La 58:10

Ke a gbla yayami peelɔ tue bɔ nɛ sa lɛ ɔ, ndalɔ a ma nya, nɛ e maa nyɛɛ yayami peelɔ ɔ muɔ mi kɛ be.

La 79:9

Mawu, piɛ wa he nɛ o he wa yi wami. Mo he wɔ, nɛ o ngɔ wa he yayami kɛ pa wɔ kɛ wo mo nitsɛ o biɛ ɔ hɛ mi nyami.

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 1:25

I kɛ nyɛ maa to ní. Ma tsu nyɛ he kaa a tsuɔ dade he, nɛ ma je nyɛ he mu ɔ tsuo.

Yesaya 66:10

Nyɛ nihi tsuo nɛ nyɛ suɔ Yerusalem ɔ, nyɛ bua nɛ jɔ nyɛ he nɛ nyɛɛ kɛ lɛ nɛ nya. Nyɛ nihi tsuo nɛ nyɛ ye kɔmɔ ha lɛ ɔ, jehanɛ lɛɛ nyɛɛ kɛ lɛ tsuo nyɛ na bua jɔmi!

La 79:10

Mɛni he je lɛ je ma amɛ ma bi wɔ ke, “Jije nyɛ Mawu ɔ ngɛ?” Je mahi nɛ pue o tsɔli ɔmɛ a muɔ si ɔ, gbla a tue nɛ waa na kɛ wa hɛngmɛ.

La 85:3

O mi mi la nɛ nya wa a se po, nɛ o mi mi fu we wɔ hu.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Yeremia 51:36

Lɔ ɔ he ɔ, bɔ nɛ Yawɛ de Israel bi ɔmɛ ji nɛ ɔ nɛ: “Ma ye nyɛ sane ɔ ha nyɛ, nɛ ma gbla nyɛ he nyɛli ɔmɛ a tue ha nyɛ. Ma ha nɛ Babilonia wo ɔ, kɛ pa amɛ ma gbli.

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Ezekiel 25:14

Ma ha ye ma Israel hu kɛ Edom maa to ní; nɛ Edom maa na bɔ nɛ ye we abofu nya wa ha ke i ngɛ nɔ́ ko tue gblae ɔ.” Nyɔmtsɛ Yawɛ lɛ de.