Mose V, 32:41 - BAIBLO ALOO NGMAMI KLƆUKLƆU Ɔ

⁴¹ ma duɔ ye klaate nɛ kpɛɔ nylamnylam ɔ nya, nɛ ma hyɛ nɛ a ye dami sane. Ma ye lue ngɛ he nyɛli ɔmɛ a nɔ; nihi nɛ sume mi ɔ, ma gbla a tue.

Mose V, 32:41 ပူးပေါင်းရင်းမြစ်များ

La 149:9

a gbla je ma amɛ a tue kaa bɔ nɛ a ngma kɛ to ɔ. Mawu ma a tsuo ye kunimi! Nyɛ je Yawɛ yi!

La 31:23

Nyɛɛ suɔ Yawɛ, nyɛ e ni klɔuklɔuhi tsuo! Yawɛ baa nihi tsuo nɛ yeɔ lɛ anɔkuale ɔ a yi, se he nɔ woli lɛɛ e gblaa a tue bɔ nɛ sa mɛ.

La 7:12

Ke a tsakee we a tsui ɔ, Mawu maa duɔ e klaate ɔ nya. E pee e kɛ̃ɛ̃ ɔ klaalo momo,

La 7:13

nɛ e kɛ kɛ̃ɛ̃ mi bi nɛ nya ba hɔ nya. E dla awi yemi ní kpahi hu ngɔ to.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Yesaya 59:18

E maa gbla a tue kaa bɔ nɛ a pee ɔ pɛpɛɛpɛ kɛ to nane mi; nɛ ni nɛmɛ nɛ ngɛ ma se tsitsaa po be a he yee.

Yesaya 66:16

Nihi tsuo nɛ yeɔ fɔ ngɛ je ɔ mi ɔ, Yawɛ maa ngɔ la kɛ klaate kɛ kpata a hɛ mi. Nɛ nihi babauu ma gbo.

Yesaya 66:6

Nyɛɛ bu tue! Bubuubui ngɛ pɛe ngɛ ma a mi! Bubuubui ngɛ pɛe ngɛ Yawɛ we ɔ. Ngmlaa nɛ ngɛ pɛe ɔ tsɔɔ kaa Yawɛ ngɛ e he nyɛli ɔmɛ a tue gblae.

Yeremia 44:26

Se jehanɛ, nyɛ Israel bi tsuo nɛ nyɛ ngɛ Egipt, nyɛɛ bu kita nguaa nɛ imi, Yawɛ hu i ka ye he, ngɛ ye biɛ kpetekpleenyɛ ɔ mi ɔ tue. Kɛ je mwɔnɛ ɔ kɛ yaa a, i be nyɛ ti nɔ ko nɔ ko blɔ ngmɛe hu nɛ e ngɔ ye biɛ kɛ ka kita nɛ e de ke, ‘I na Nyɔmtsɛ Yawɛ, hɛ kalɔ ɔ!’

Yeremia 50:18

Enɛ ɔ he je ɔ, imi Yawɛ Tabohiatsɛ, Israel Mawu ɔ, ma gbla matsɛ Nebukadnezar kɛ e zugba a tue kaa bɔ nɛ i pee Asiria matsɛ ɔ.

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Ezekiel 21:20

Okadi kake maa tsɔɔ matsɛ ɔ blɔ nɛ yaa Amon bi ɔmɛ a ma nɛ a tsɛɛ Raba a, nɛ kake hu maa tsɔɔ blɔ nɛ yaa Yerusalem, Yuda ma nɛ a fia gbogbo ngɔ wo he ɔ.

Ezekiel 25:14

Ma ha ye ma Israel hu kɛ Edom maa to ní; nɛ Edom maa na bɔ nɛ ye we abofu nya wa ha ke i ngɛ nɔ́ ko tue gblae ɔ.” Nyɔmtsɛ Yawɛ lɛ de.

Ezekiel 32:10

Nɔ́ nɛ ma pee mo ɔ ma ha je mahi babauu a he mi maa po, nɛ sawale maa nu a matsɛmɛ ɔmɛ wawɛɛ. Bɔ nɛ ma fɔ ye klaate ɔ yami kɛ bami ngɛ a hɛ mi ɔ, ligbi ɔ nɛ o maa nɔ si ɔ, mɛ tsuo pɛpɛɛpɛ a he maa do blibliibli, kaa kikɛ nɛ ɔ mɛ hu a hɛ mi ma kpata lo?”

Nahum 1:2

Yawɛ Mawu ɔ, a kɛ lɛ plee we nɔ́ he; e gblaa nihi nɛ tee si kɛ woɔ lɛ ɔ a tue. E gblaa e he nyɛli ɔmɛ a tue bɔ nɛ sa mɛ kɛ yeɔ e he lue.

Zefania 2:12

Sudan bi ɔmɛ hu, Yawɛ kɛ klaate maa gbe mɛ.

Mose IV, 10:35

Be tsuaa be nɛ somi daka a maa hia a, Mose ma de ke, “Yawɛ, tee si! Gbɛɛ o he nyɛli ɔmɛ ngɔ fĩa; nɛ o ha ni nɛmɛ nɛ sume mo ɔ nɛ a tu fo ngɛ o hɛ mi!”

Marko 1:2

Sane ɔ je sisi kaa bɔ nɛ gbalɔ Yesaya ngma a ke, “Mawu ke, ‘Ma tsɔ ye tsɔlɔ kɛ sɛ o hlami nɛ e ya dla o blɔ ɔ ngɔ to mo.’

Romabi 1:30

a yeɔ sieku, nɛ a sume Mawu sane; a bui nɔ, a woɔ a he nɔ, a fĩaa, a toɔ nɔ́ yaya he ga, nɛ a bui a fɔli;

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Mose V, 7:10

se ni nɛmɛ nɛ sume lɛ ɔ, e maa gbla a tue amlɔ.

2 Timoteo 3:4

Nimli maa pee a he nɔ se blɔ tsɔɔli, nihi nɛ bui nɔ́, he nɔ woli, kɛ nihi nɛ suɔ je mi akɔnɔ pe bɔ nɛ a suɔ Mawu,