Mose V, 32:4 - BAIBLO ALOO NGMAMI KLƆUKLƆU Ɔ

⁴ “Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Mose V, 32:4 ပူးပေါင်းရင်းမြစ်များ

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Samuel II, 22:47

Yawɛ hɛ ngɛ! Tɛ sa a nɛ baa ye yi ɔ, a je e yi. Ye Mawu ɔ nɛ he ye yi wami ɔ, a wo e biɛ ta kaa e kle, nɛ e he wa.

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

Hiob 34:10

Lɔ ɔ he ɔ, nyɛɛ bu mi tue, nyɛ juɛmitsɛmɛ! Anɛ Mawu maa pee yi wu tso ní lo? Anɛ Ope ɔ maa pee nɔ́ nɛ dɛ blɔ lo?

Hiob 35:14

Hiob, mo lɛ o ke o be Mawu nae ɔ? O sane ɔ ngɛ e hɛ mi; moo hyɛ lɛ blɔ.

Hiob 36:23

Mɛnɔ lɛ maa tsɔɔ Mawu nɔ́ nɛ sa nɛ e pee? Mɛnɔ lɛ maa po e nya ke e pee yayami?

Hiob 8:3

Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

La 138:8

Yawɛ, yi mi nɛ o to ha mi ɔ, o maa ye nɔ, ejakaa Yawɛ, o suɔmi ɔ ngɛ kɛ yaa neneene. Ní tsumi nɛ o je sisi ɔ, koo ngmɛɛ he.

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

La 146:6

Mawu nɛ pee hiɔwe, zugba, wo, kɛ a mi níhi tsuo, nɛ e yeɔ e siwo nɔ daa.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 18:46

Yawɛ hɛ ngɛ! A je ye he bulɔ ɔ yi! Mawu ɔ nɛ heɔ ye yi wami ɔ, a wo e hɛ mi nyami.

La 19:7

Yawɛ mlaa a hi kɛ pi si; e haa nɔ naa he wami he. Yawɛ mlaa a, anɔkuale sɔuu, e haa nɛ kuasia leɔ ní.

La 31:5

Yawɛ, Mawu anɔkualetsɛ; i ngɔ ye he kɛ ha mo. Mo lɛ o ma he ye yi wami.

La 33:4

Ejakaa Yawɛ munyu ɔ, anɔkuale sɔuu; e peeɔ nɔ́ tsuaa nɔ́ pɛpɛɛpɛ.

La 78:35

A ma kai kaa Mawu ji a he bulɔ; a ma kai kaa Mawu, Hiɔwe No ɔ ji nɔ nɛ heɔ a yi wami.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

La 90:16

Ha nɛ wɔ, o tsɔli ɔmɛ, waa na o ní tsumi ɔmɛ. Ha nɛ wa bimɛ ɔmɛ nɛ a na o he wami kpetekpleenyɛ ɔ.

La 92:15

Enɛ ɔ tsɔɔ kaa Yawɛ da. Nɔ nɛ buɔ ye he ɔ, yayami ko be e he.

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.

Fiɛlɔ 3:14

I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Yesaya 26:4

Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 5:22

Tsɛ ɔ nitsɛ kojo we nɔ ko. E ngɔ jamɛ a he blɔ ɔ tsuo kɛ ha Bi ɔ, konɛ Bi ɔ nɛ kojo nihi.

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Romabi 2:2

Wa le kaa Mawu buɔ nihi nɛ tsuɔ jamɛ a ní ɔmɛ bɔ nɛ fɔ ɔ le da pɛpɛɛpɛ.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Romabi 3:5

Se ke nɔ́ nɛ dɛ nɛ wa peeɔ ɔ, haa nɛ a naa paa kaa nɔ́ nɛ da pɛ Mawu peeɔ ɔ, lɛɛ kɛ wa ma de kɛɛ? Anɛ ke Mawu kɛ mi mi fumi gbla wa tue ɔ, e tɔ lo? (Bɔ nɛ i bi nɛ ɔ, ja kɛkɛ adesa tuɔ munyu.)

1 Korintobi 10:4

nɛ mɛ tsuo a nu mumi mi nyu kake ɔ nɛ je mumi mi tɛ sa nɛ nyɛɛ a se ɔ mi. Jamɛ a tɛ sa a ji Kristo.

Mose V, 10:18

E hyɛɛ kaa a ye awusahi, kɛ yalɔyihi a sane pɛpɛɛpɛ ha mɛ. E suɔ nihi nɛ ba to wɔ nibwɔ ɔ, nɛ e haa mɛ a niye ní, kɛ a heha ní.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Mose V, 32:18

A Mawu ɔ nɛ baa a yi, nɛ́ he a yi wami ɔ, a hɛ je a nɔ.

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Yakobo 4:12

Mawu pɛ ji mlaa wolɔ kɛ kojolɔ. Lɛ nɔ kake nɔuu pɛ lɛ e ngɛ he wami nɛ e kɛ heɔ nɔ yi wami, nɛ e kɛ kpataa nɔ hɛ mi hulɔ. Se moo lɛɛ mɛnɔ ji mo, nɛ o kojoɔ o nyɛmi adesa?

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.