Mose V, 32:31 - BAIBLO ALOO NGMAMI KLƆUKLƆU Ɔ

³¹ He nyɛli ɔmɛ le kaa a mawu ɔmɛ be he wami ko kaa Israel Mawu ɔ.

Mose V, 32:31 ပူးပေါင်းရင်းမြစ်များ

Samuel I, 4:8

Wa yi ta! Mɛnɔ ma kpɔ wɔ kɛ je kikɛmɛ a mawu kpetekpleenyɛ nɛ ɔmɛ a dɛ mi? Mɛ ji mawuhi nɛ kɛ haomi slɔɔtohi gba Egipt bi ɔmɛ a nya ngɛ nga a nɔ ɔ nɛ!

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

Daniel 3:29

“Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Yeremia 40:3

Amlɔ nɛ ɔ, Yawɛ ná pee nɔ́ nɛ e de to ke e maa pee ɔ. Nɔ́ nɛ ɔ ba nyɛ nɔ, ejakaa nyɛ pee yayami kɛ si Yawɛ, nɛ nyɛ bui lɛ tue.

Ezra 1:3

Mawu ma, nyɛ ti nihi nɛ nyɛ suɔ kaa nyɛ maa kpale ɔ, Mawu nɛ piɛ nyɛ he! Nyɛɛ ya Yerusalem ngɛ Yuda zugba a nɔ. Nyɛ ya ma Yawɛ, Israel Mawu ɔ we ɔ ekohu. Lɛ ji Mawu nɛ ngɛ Yerusalem ɔ nɛ.

Mose IV, 23:23

Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

Mose IV, 23:8

Kɛ ma pee kɛɛ nɛ ma gbiɛ nihi nɛ Mawu lɛɛ e gbíɛ mɛ; loo ma tu munyu kɛ si nihi nɛ Mawu lɛɛ e mi mi fu we mɛ?

La 18:31

Se mɛnɔ ji Mawu ngɛ Yawɛ se? Mɛnɔ ji tɛ sa? Pi wa Mawu ɔ lo?

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.

Mose II, 8:6

Aaron wo e nine nɔ ngɛ Egipt pa amɛ a nɔ, nɛ e ha ovɔnɔhi ba nɛ a ba ha Egipt zugba a nɔ.