Mose V, 32:25 - BAIBLO ALOO NGMAMI KLƆUKLƆU Ɔ

²⁵ Ta ma kpata nihi a hɛ mi ngɛ gbɛjegbɛ ɔmɛ a nɔ, nɛ sawale maa nu nihi ngɛ a we ɔmɛ a mi. Nihewi kɛ yihewi ma gbo; bimwɔwi kɛ nyumu nikɔtɔmahi hu be a he yee.

Mose V, 32:25 ပူးပေါင်းရင်းမြစ်များ

Matsɛmɛ II, 7:5

Lɔ ɔ he ɔ, gbɔkuɛ nya si benɛ du maa ho bumi ya a, a te si nɛ a pue blɔ kɛ yaa Siria ta a mi. Se benɛ a su lejɛ ɔ, a nɛ nɔ ko nɔ ko.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Yesaya 30:16

Mohu, nyɛ to nyɛ yi mi kaa nyɛ maa hi okpɔngɔhi nɛ a he sɔɔ a nɔ kɛ tu fo kɛ je nyɛ he nyɛli ɔmɛ a he. Nɛ nyɛ nɔ́ da niinɛ; e sa kaa nyɛɛ tu fo kɛ je nyɛ he nyɛli a dɛ mi! Nyɛ susu kaa nyɛ we okpɔngɔ ɔmɛ a he sɔɔ saminya, se nihi nɛ nyɛɛ nyɛ se ɔ, a he sɔɔ kulaa pe nyɛ!

Yeremia 44:7

“Lɔ ɔ he ɔ, imi Yawɛ Tabohiatsɛ, Israel Mawu ɔ, i ngɛ bie ke mɛni he je nyɛ ngɛ nyɛ nitsɛmɛ nyɛ he yayami nguaa kaa kikɛ nɛ ɔ pee? Anɛ nyɛ suɔ kaa nyɛ tsuo nyɛ hɛ mi nɛ kpata, nyumuhi, yihi, jokuɛwi, kɛ bimwɔwi, nɛ nyɛ ti nɔ ko nɔ ko nɛ ko piɛ ngɛ Yuda lo?

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Yeremia 9:21

Gbenɔ kuɔ wa saflɛ ɔmɛ kɛ ba sɛ wa mɔ ɔmɛ a mi, nɛ e kpata wa nihewi ɔmɛ, kɛ wa yihewi ɔmɛ a hɛ mi; jokuɛwi pa fiɛ we ngɛ gbɛjegbɛ ɔmɛ a nɔ hu, nɛ nihewi kɛ yihewi ta jua amɛ a nɔ.

Kɔmɔ Yemi 1:20

“Yawɛ lee, hyɛ bɔ nɛ i ngɛ haoe ha; i ngɛ he hiami mi wawɛɛ, nɛ ye tsui ngɛ mi yee. I tsɔ o hɛ mi atuã. A ngɛ nihi gbee ngɛ gbɛjegbɛ ɔmɛ a nɔ; jã kɛ̃ nihi ngɛ gboe ngɛ we ɔmɛ a mi hulɔ.

Kɔmɔ Yemi 4:4

Kuma gbe bimwɔwi; a ngɛ a nya mi lɔe kɛ ngɛ nyu hlae. Jokuɛwi ngɛ pɛɛ kpae ke a ha mɛ niye ní; se nɔ ko nɔ ko ha we mɛ.

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.

Hosea 11:6

Ta ma ba tua a ma amɛ; a maa ku a gbogbo ɔmɛ ngɔ pue si, nɛ a ma kpata a hɛ mi ngɛ a yi mi tomi ɔmɛ a he.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Hosea 9:16

Israel ma a, musu tloo mɛ pɛ; a ngɛ kaa tso nɛ e sipoku gbli, nɛ e wui yiblii. A be fɔe; nɛ ke a fɔ tete po, bimɛ ɔmɛ nɛ a suɔ saminya a, ma kpata a hɛ mi.”

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Mika 6:14

Nyɛ maa ye ní, se nyɛ be tɔe; anɔkuale mi ɔ, hwɔ maa hi nyɛ yee kɛ sa. Nyɛ maa muɔ níhi kɛ ya, se nyɛ be nyɛe kɛ to; ke nyɛɛ kɛ nɔ́ ko to po, ma kpata hɛ mi ngɛ ta mi.

2 Korintobi 7:5

Benɛ wa ba su Makedonia tete po wa nɔmlɔ tso ɔ na we he jɔmi kulaa; he tsuaa he ɔ, haomi sɔuu. Be mi nɛ ni kpahi kɛ wɔ ngɛ pɛ nɔ daa nɛ ɔ, wɔ nitsɛmɛ hu gbeye sɔuu wa ngɛ yee.