Mose V, 32:24 - BAIBLO ALOO NGMAMI KLƆUKLƆU Ɔ

²⁴ Hwɔ kɛ aslã maa gbe mɛ, nɛ hiɔhi nɛ ngɛ gbeyegbeye ma kpata a hɛ mi. Ma ha nga mi lohwe awi yeli ma ba tua mɛ, nɛ sinɔ duɔtsɛmɛ maa kɔɔ mɛ.

Mose V, 32:24 ပူးပေါင်းရင်းမြစ်များ

Mose I, 3:14

Yawɛ Mawu de sinɔ ɔ ke, “Nɔ́ nɛ o pee nɛ ɔ he je ɔ, a gbiɛ mo pe je mi lohwe ɔmɛ tsuo. Kɛ je mwɔnɛ ɔ kɛ yaa a, o maa sã si ngɛ o muklii mi nɔ; nɛ o maa ye zu o wami ligbi ɔmɛ tsuo.

Mose I, 49:15

E na kaa e na zugba kpakpa, nɛ e sihi he ɔ hu ngɔɔ. Lɔ ɔ he ɔ, e ba si nɛ e tloo tlomi, Nɛ e plɛɛ pee nyɔguɛ.

Hiob 20:16

Nɔ́ nɛ yayami peelɔ gbugbɔ ɔ ngɛ kaa sinɔ duɔ; e maa gbe lɛ kaa nɔ́ nɛ sinɔ duɔtsɛ nɛ kɔ lɛ.

La 120:4

Nyɛ hɛɛ kɛ̃ɛ̃ mi bihi nɛ a nya ba, kɛ la ngu hɛuu kɛ ma kaa ta buli.

La 91:6

Gbenɔ hiɔ nɛ puɛɔ ní ngɛ diblii mi ɔ, o be lɛ gbeye yee. Piani hu o be hiɔ nɛ kpataa nɔ hɛ mi gbeye yee.

Yesaya 65:25

Ogbetee kɛ jijɔ ma bla kɛ ye ní; jata ma kpe nga kaa na; nɛ sinɔ lɛɛ zu e maa ye. Nɔ ko be e nyɛmi awi yee, nɛ nɔ ko be e nyɛmi hɛ mi kpatae ngɛ ye yo klɔuklɔu ɔ nɔ. Imi, Yawɛ lɛ i de.”

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 8:17

Yawɛ ke, “Ma tsɔ sinɔhi kɛ ba nyɛ kpɛti, sangahi ma ba kɔɔ nyɛ; kunya yelɔ ko kunya yelɔ ko be nyɛe maa jɔɔ a he.”

Kɔmɔ Yemi 5:10

Hwɔ nɛ nya wa ha nɛ wa he womi kota kaa nɔ́ nɛ flɔɔnɔɔ la nɛ sã wɔ.

Ezekiel 14:15

“Aloo ke i ha lohwe awi yeli ba kpa zugba a nɔ, nɛ a gbe e nɔ bi ɔmɛ, nɛ lejɛ ɔ pee ma doku ngɛ lohwe awi yeli ɔmɛ a he, nɛ nɔ ko nɔ ko gui lejɛ ɔ hu ɔ,

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Ezekiel 5:17

Ma ha nɛ hwɔ, kɛ lohwe awi yeli ma kpata nyɛ bimɛ ɔmɛ a hɛ mi. Ma ha gbenɔ hiɔ, kɛ ta ma ba kpata ma a hɛ mi. Imi, Yawɛ lɛ i de.”

Mose III, 26:22

Ma ngmɛɛ pu mi lohwe dikali a he ngɔ pue nyɛ nɔ, nɛ a maa gbe nyɛ bimɛ; a ma kpata nyɛ we mi lohwehi a hɛ mi, nɛ ma ha nyɛ nɔ ma gbɔ, nɛ nimli be hiɛe ngɛ blɔ ɔmɛ a nɔ hu.

Amos 9:3

Ke a ya laa a he ngɛ Karmel yo ɔ yi mi tete po, ma ya hla mɛ ngɛ lejɛ ɔ nɛ ma nu mɛ. Nɛ ke a ya laa a he ngɛ wo ɔ sisi tɔɔ po, ma fa wo mi sinɔ ɔ nɛ e ma ya kɔɔ mɛ ngɛ lejɛ ɔ.

Mika 7:17

A maa sã si ngɛ tabo zu mi kaa sinɔhi. A kɛ he domi kɛ gbeye yemi maa je a mɔ ɔmɛ a mi kɛ ba Yawɛ, wa Mawu ngɔ.

Habakuk 3:5

E haa nɛ hiɔhi baa, nɛ gbenɔ nyɛɛɔ se.

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Mose V, 28:53

“Ke nyɛ he nyɛli ɔmɛ ngɛ nyɛ ma amɛ a yi sae, nɛ nyɛ yi fi, nɛ hwɔ bɔni nyɛ yemi wawɛɛ ɔ, nyɛ maa ye nyɛ nitsɛ nyɛ mi mi bimɛ nɛ ji nyɛ binyumu ɔmɛ, kɛ nyɛ biyi ɔmɛ nɛ Yawɛ, nyɛ Mawu ɔ ngɔ ha nyɛ ɔ a lo.