Mose V, 32:21 - BAIBLO ALOO NGMAMI KLƆUKLƆU Ɔ

²¹ A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Mose V, 32:21 ပူးပေါင်းရင်းမြစ်များ

Romabi 10:19

I ngɛ bie ekohu ke anɛ Israel li lo? Mose ji kekleekle nɔ nɛ he nɔ ke, “Ma ha nyɛ maa je je ma ko nɛ a bui lɛ kulaa he hunga; Nɛ i kɛ ma kɛ e mi kuasiahi sɔuu maa wo nyɛ mi mi la.”

Romabi 9:25

Bɔ nɛ Mawu de ngɛ Hosea womi ɔ mi ji nɛ ɔ nɛ: “Nihi nɛ a tsɛɔ mɛ ‘Piyemajinyɛ’ ɔ, ma de mɛ ke ‘Ye ma ji nyɛ.’ Nɛ nɔ́ nɛ a tsɛɔ lɛ ‘Asumemo’ ɔ ma je suɔmi kpo ha lɛ.”

Matsɛmɛ I, 16:26

E ya wo Nebat binyumu Yeroboam nane, nɛ e pee yayami. E ja amaga, nɛ e ha Israel hu ya pee yayami nɛ ɔ; nɛ a kɛ nɔ́ nɛ ɔ peemi wo Yawɛ, Israel Mawu ɔ mi mi la.

Matsɛmɛ I, 16:13

Baasha, kɛ e binyumu Ela pee yayami kɛ si Yawɛ. A ha nɛ Israel ya ja amagahi, nɛ a kɛ nɔ́ nɛ ɔ wo Yawɛ, Israel Mawu ɔ mi mi la.

Yona 2:8

Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

La 31:6

Yawɛ, o sume nihi nɛ jaa lakpa mawuhi saasaa; se imi lɛɛ i ngɔ ye hɛ kɛ fɔ o nɔ.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Ni Tsumi 11:15

Benɛ i bɔni munyu ɔ tumi nɔuu kɛkɛ nɛ Mumi Klɔuklɔu ɔ ba a nɔ kaa bɔ nɛ e ba wɔ hu wa nɔ kekleekle Pentekoste ligbi ɔ.

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.

Matsɛmɛ I, 14:22

Yuda ma a pee yayami kɛ si Yawɛ, nɛ a pee níhi babauu kɛ wo e mi mi la pe bɔ nɛ a nɛmɛ ɔmɛ tsuo pee ɔ po.

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Yeremia 7:18

Bimɛ lɛɔ lɛ́, nɛ tsɛmɛ slɛɔ la, nɛ nyɛmɛ pɔtɔɔ ma nɛ a kɛ sãã abolo kɛ haa yo mawu ɔ nɛ a tsɛɛ Hiɔwemanyɛ ɔ. Jehanɛ se hu, a kɛ wai sãã bɔ kɛ haa mawu kpahi, konɛ a kɛ wo ye mi mi la.

Matsɛmɛ I, 14:9

O pee yayami kulaa pe ni nɛmɛ nɛ ye tsɛ kɛ sɛ o hlami ɔ. O kua mi; O ya pee mawu kpa komɛ, nɛ o puɛ amagahi, nɛ o kɛ nɔ́ nɛ ɔ wo ye mi mi la.

Matsɛmɛ II, 17:11

nɛ a sã tsopa kɛ e he via ngɛ jami he ɔmɛ tsuo, kaa bɔ nɛ je ma amɛ nɛ Yawɛ fie kɛ je a blɔ ɔ nɔ ɔ pee ɔ pɛpɛɛpɛ. A pee ní yayamihi kɛ wo Yawɛ mi mi la.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

Yesaya 65:3

Be tsuaa be ɔ, ma nɛ ɔ jeɔ blɔ paa nɛ a woɔ ye mi mi la; a sãã bɔhi ngɛ abɔɔhi a mi; a sãã tsopa kɛ e he via ngɛ tɛhi a nɔ;

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.