Mose V, 32:20 - BAIBLO ALOO NGMAMI KLƆUKLƆU Ɔ

²⁰ E de ke, ‘Jehanɛ, i be a he piɛe hu; ma hyɛ nɔ́ nɛ maa ba a nɔ; nihi nɛ a tue mi ti, nɛ a yi a siwo nɔ.

Mose V, 32:20 ပူးပေါင်းရင်းမြစ်များ

Mose V, 32:5

Se nyɛɛ lɛɛ, nyɛ yi nyɛ siwo nɔ, nɛ nyɛ sɛ kulaa kaa nyɛ peeɔ e ma. Ma nɛ peeɔ yayami, nɛ sisiɔ nɔ ji nyɛ.

Luka 18:8

Dɛbi, i ngɛ nyɛ dee ke, e maa ye a sane ɔ ha mɛ nɔuu. Se ke Nɔmlɔ Bi ɔ kpale kɛ ba a, anɛ e ma ba na nihi ngɛ je ɔ mi nɛ ngɛ hemi kɛ yemi lo?”

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Yeremia 18:17

Kaa bɔ nɛ ahlabata kɔɔhiɔ muɔɔ bunyuku ɔ, jã pɛ ma gbɛ ye ma a ngɔ fĩa ngɛ a he nyɛli ɔmɛ a hɛ mi. Ke haomi ba a nɔ ɔ, ma plɛ ye se ngɔ wo mɛ; i be yee kɛ bua mɛ.”

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 7:9

Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Hiob 13:24

Mɛni he je o kɛ o hɛ mi laa mi ɔ? Mɛni he je o kɛ mi ngɛ ní toe kaa o he nyɛlɔ ɔ?

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

2 Tesalonikabi 3:2

Nyɛɛ sɔle, konɛ Mawu nɛ je wɔ kɛ je yiwutsotsɛmɛ, kɛ nimli yayamihi a dɛ mi; ejakaa pi nɔ tsuaa nɔ nɛ heɔ yeɔ.

Mose V, 9:23

Jehanɛ, benɛ e wo nyɛ blɔ kɛ je Kadesh Barnea, nɛ e fa nyɛ ke nyɛ ya ngɔ zugba nɛ e kɛ ngɛ nyɛ hae kaa nyɛ weto ní ɔ, jamɛ a be ɔ mi po, nyɛ tsɔ Yawɛ, nyɛ Mawu ɔ hɛ mi atuã: nyɛ he we lɛ yi, nɛ nyɛ bui lɛ tue.

Yoshua 23:10

Nyɛ ti nɔ kake ma nyɛ wo nihi akpe fo, ejakaa Yawɛ, nyɛ Mawu ɔ ngɛ ta hwue ha nyɛ kaa bɔ nɛ e wo si ɔ.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Matsɛmɛ II, 17:23

kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”