Mose V, 32:18 - BAIBLO ALOO NGMAMI KLƆUKLƆU Ɔ

¹⁸ A Mawu ɔ nɛ baa a yi, nɛ́ he a yi wami ɔ, a hɛ je a nɔ.

Mose V, 32:18 ပူးပေါင်းရင်းမြစ်များ

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

La 106:21

Mawu, a kpɔlɔ ɔ nɛ tsu ní tsumi nguanguahi ngɛ Egipt ɔ, a hɛ je e nɔ.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Hosea 8:14

“Israel ma a hɛ je a bɔlɔ ɔ nɔ, nɛ a ya ma we nguanguahi. Yuda ma hu po mahi babauu nɛ a fia gbogbo ngɔ wo a he. Se ma ha la maa sã we nguangua amɛ, kɛ ma amɛ nɛ a fia gbogbo wo a he ɔ tsuo.”

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Mose V, 8:19

Nyɛ hɛ ko je Yawɛ, nyɛ Mawu ɔ nɔ kɔkɔɔkɔ; nyɛ ko nyɛɛ mawu kpahi a se; nyɛ ko ya ja mɛ, nɛ nyɛ ko sɔmɔ mɛ. Ke nyɛ pee ja a, lɛɛ i ngɛ nyɛ kɔkɔ bɔe mwɔnɛ ɔ kaa a ma kpata nyɛ hɛ mi.

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Mose V, 8:11

“Nyɛɛ hyɛ nɛ hi nɛ nyɛ hɛ ko je Yawɛ, nyɛ Mawu ɔ nɔ. Nyɛ hɛ nɛ hi mlaa amɛ nɛ i ngɛ nyɛ woe mwɔnɛ ɔ a nɔ, nɛ nyɛɛ ye a nɔ.

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Yeremia 3:21

Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

Samuel I, 12:9

Se a hɛ je Yawɛ, a Mawu ɔ nɔ. Enɛ ɔ he je ɔ, lɛ hu e ngɔ mɛ ngɔ wo Hazor tatsɛ Sisera, kɛ Filisti bi ɔmɛ, kɛ Moab matsɛ ɔ a dɛ mi, nɛ a kɛ mɛ hwu ta.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.