Mose V, 32:13 - BAIBLO ALOO NGMAMI KLƆUKLƆU Ɔ

¹³ “E ha e ma a ye yo nɔ zugba amɛ a nɔ, nɛ a ye ngmɔ ɔmɛ a mi niba ní. E ma a ná hwo kɛ je tɛ sa mi; nɛ oliv tso ɔmɛ hu plɔke ngɛ zugba nɛ tɛ ngɛ mi ɔ nɔ.

Mose V, 32:13 ပူးပေါင်းရင်းမြစ်များ

Samuel II, 22:34

E haa nɛ i nyɛɛɔ yoku ɔmɛ a nɔ kɛ gɛjɛmi kaa yo nɔ apletsi, nɛ i sane we nɔɛ si.

Hiob 20:17

E be je mi hie nɛ́ e maa na nyɔ nyu, kɛ hwo nɛ ngɛ bee kaa paa.

Hiob 29:6

Jamɛ a be ɔ, ye na amɛ, kɛ to ɔmɛ haa mi nyɔ nyu babauu; nɛ hehi nɛ tɛ sa hiɛ ngɛ po, i naa oliv tsohi babauu nɛ haa mi nu bɔ nɛ sa.

La 18:33

Lɛ nɛ haa nɛ ye nane nya sɔɔ kaa odabɔ nane nya. E ngɔ mi ngɔ to yo ɔmɛ a nɔ ngɛ he jɔmi mi.

La 81:16

Se nyɛɛ lɛɛ ma lɛ nyɛ kɛ ngma kpakpa. Ma ha nyɛ hwo babauu kɛ je tɛ sa mi nɛ nyɛ maa ye.”

Yesaya 48:21

Benɛ Yawɛ kɛ e ma a nyɛɛ nga kplanaa a nɔ ɔ, kuma yi mɛ; ejakaa e ha nyu je tɛ sa mi ha mɛ; tɛ sa a mi gba, kɛkɛ nɛ nyu je mi kaa pa.

Yesaya 58:14

lɛɛ bua jɔmi nɛ a naa ngɛ imi Yawɛ ye sɔmɔmi mi ɔ, nyɛ ma na. Ma ha je ɔ tsuo maa wo nyɛ hɛ mi nyami, nɛ zugba a nɛ i ngɔ ha nyɛ nɛ̃, Yakob ɔ, ma ha nyɛ maa ye e mi ní kpakpa amɛ. Imi, Yawɛ lɛ i de.”

Ezekiel 16:13

I ha mo sika hiɔ, kɛ sika tsu june nɛ o kɛ dla o he. Kploba falefale, sliiki, kɛ bo nɛ a lo ga níhi ngɔ wo mi ji tadehi nɛ o woɔ. Niye ní nɛ o yeɔ ji abolo nɛ a ngɔ mamu kpakpa kɛ sã, kɛ jehanɛ hu hwo, kɛ oliv nu. O he pee fɛu wawɛɛ nitsɛ; nɛ o ba pee manyɛ.

Ezekiel 21:17

Imi hu ma fia ye dɛ, nɛ ye we abofu ɔ se maa po. Imi, Yawɛ lɛ i de.”

Ezekiel 36:2

Nyɔmtsɛ Yawɛ, i ngɛ mɛ hae ɔ, a bu tue: Israel he nyɛli ɔmɛ pee pupuupu kɛ fĩa, nɛ a de ke, ‘Yiɛɛ! Blema yo ɔmɛ ba pee wa níhi.’

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Mose V, 28:47

Yawɛ gbaa nyɛ ngɛ blɔ tsuaa blɔ nɔ, se nyɛ sume nɛ nyɛ sɔmɔ lɛ kɛ bua jɔmi, kɛ nyami nɛ je tsui mi.

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Mose V, 8:15

Lɛ ji nɔ nɛ kpaka nyɛ kɛ gu nga kplanaa gbajaa nɛ nɔ ngɛ gbeye ɔ nɔ ɔ nɛ. Lejɛ ɔ nɛ a naa sinɔhi nɛ a duɔ nya wa, kɛ nyingmogblakotohi ngɛ ɔ nɛ. Jehanɛ, ngɛ nga kplanaa a nɔ he nɛ nyu be ɔ, e je nyu kɛ je tslɛbo tɛ sa mi ha nyɛ.

Mose V, 8:8

E ji zugba nɛ ngma, blɛfo, wai yiblii, ngmɔkɔ, tso nɛ yiblii ngɔɔ, oliv tso, kɛ hwo ngɛ nɔ.