Mose V, 32:11 - BAIBLO ALOO NGMAMI KLƆUKLƆU Ɔ

¹¹ Bɔ nɛ kɔle buu e tsu he, nɛ e tee kɛ bɔleɔ e bimɛ, nɛ e bliɔ e pɛli mi, nɛ e ngɔɔ e bimɛ ngɔ fɔɔ nɔ kɛ tee kɛ yaa hiɔwe ɔ, ja Yawɛ hɛɛ Israel.

Mose V, 32:11 ပူးပေါင်းရင်းမြစ်များ

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Yesaya 46:4

Imi nɔuu ji nyɛ Mawu nɛ maa hyɛ nyɛ nɔ kɛ ya su be nɛ nyɛ maa wa nɛ nyɛ maa puɛ mua. Imi lɛ i bɔ nyɛ; ma baa nyɛ yi; ma piɛ nyɛ he, nɛ ma he nyɛ yi wami.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

Hebribi 11:3

Hemi kɛ yemi lɛ ha wa nu sisi kaa Mawu munyu a kɛ bɔ je ɔ. Enɛ ɔ tsɔɔ kaa níhi nɛ wa nɛ́ ɔ, lɔ ɔmɛ Mawu ngɔ kɛ pee níhi nɛ wa naa a.

Yesaya 31:5

Bɔ nɛ lohwe pɛlitsɛ tee kɛ bɔleɔ e tsu kɛ buu e bimɛ a he ɔ, ja imi, Yawɛ Tabohiatsɛ ɔ ma bu Yerusalem he, nɛ ma fa e he.”

Kpojemi 12:14

Se a ha yo ɔ kɔle nguaa a pɛli enyɔ ɔmɛ, konɛ e kɛ tu fo kɛ ya e hi he ɔ ngɛ nga a nɔ. A maa hyɛ e nɔ ngɛ lejɛ ɔ jeha etɛ kɛ fa, nɛ sinɔ nguaa a nine be e nɔ sue.

Mose I, 1:2

je ɔ be su pɔtɛɛ ko; e fɔɔ si gu. Diblii kpii ha muɔ voo kɛ e mi nyu babauu ɔ nya, nɛ Mawu mumi ɔ ngɛ si bɔlee ngɛ nyu ɔ hɛ mi.

Mose V, 33:12

Bɔ nɛ Mose gbaa Benyamin wɛtso ɔ ji nɛ ɔ nɛ: “Yawɛ suɔ Benyamin bi ɔmɛ a sane, nɛ e baa a yi. E buu a he daa ligbi, nɛ e kɛ mɛ ngɛ.”

La 18:10

E hi kerub nɔ kɛ te; e he sɔ kɛ nyɛɛ kɔɔhiɔ mi kɛ ba.

Yeremia 13:11

Kaa bɔ nɛ bɔjuɛ mɛtɛɛ nɔ mlɛ mi kpɛii ɔ, ja i to nɛ Israel ma a, kɛ Yuda ma a tsuo nɛ a mɛtɛ ye he. I pee nɔ́ nɛ ɔ, konɛ a pee ye ma, nɛ a na biɛ, hɛ mi nyami, kɛ yi jemi kɛ ha mi. Se a bui mi fɛɛ.”

Hosea 11:3

Imi nɛ i tsɔse Israel ma a kaa a tsɔɔ jokuɛ nyɛɛmi; nɛ i hɛɛ mɛ dɔdɔɔdɔ kaa jokuɛyo ngɛ ye nine bɔkɔ mi, se a li kaa imi lɛ i baa a yi.