Mose V, 31:7 - BAIBLO ALOO NGMAMI KLƆUKLƆU Ɔ

⁷ Jehanɛ, Mose tsɛ Yoshua nɛ e de lɛ ngɛ Israel ma kpekpemi ɔ hɛ mi ke, “O he nɛ wa, nɛ o pee kã; mo ji nɔ nɛ maa nyɛɛ Israel ma a hɛ mi kɛ ya ngɔ zugba a nɛ Yawɛ wo a nɛmɛ si ke e kɛ ma ha mɛ ɔ nɛ.

Mose V, 31:7 ပူးပေါင်းရင်းမြစ်များ

Mose V, 3:28

Wo Yoshua mlaa, nɛ o wo lɛ kã kɛ he wami; ejakaa lɛ ji nɔ nɛ maa nyɛɛ ma a hɛ mi kɛ po pa a kɛ ya ngɔ zugba a nɛ o ngɛ hyɛe ɔ.’

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 1:38

Nun bi Yoshua, o sɔmɔlɔ ɔ lɛɛ e ma ya su lejɛ ɔ. Wo lɛ he wami, ejakaa lɛ nɛ e maa nyɛɛ Israel ma a hɛ mi kɛ ya ngɔ zugba a.’

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Mose V, 31:3

Yawɛ, nyɛ Mawu ɔ ma kpaka nyɛ, nɛ e ma kpata ma amɛ nɛ ngɛ lejɛ ɔ a hɛ mi, konɛ nyɛ nyɛ nɛ nyɛɛ ngɔ zugba a; nɛ Yoshua maa pee nyɛ hɛ mi nyɛɛlɔ kaa bɔ nɛ Yawɛ de ɔ.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Mose IV, 27:19

Ha nɛ e ba da si ngɛ osɔfo Eleazar, kɛ ma kpekpemi ɔ tsuo a hɛ mi, nɛ o to lɛ si kaa o se yelɔ.

Mose V, 11:8

“Nyɛɛ ye mlaa amɛ tsuo nɛ i ngɛ nyɛ woe mwɔnɛ nɛ ɔ a nɔ. Lɔ ɔ loko nyɛ ma nyɛ maa po pa a kɛ ya ngɔ zugba a nɛ nyɛ yaa sɛ mi ɔ.

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Matsɛmɛ I, 2:2

“Ye gbenɔ be su ta. O he nɛ wa, nɛ o pee kã,

Mose IV, 13:20

Nyɛɛ hyɛ kaa zugba a baa ní, loo e bɛ ní, kaa tsohi ngɛ nɔ, loo tsohi be nɔ. Nyɛɛ bɔ mɔde nɛ nyɛɛ ngɔ zugba a nɔ tso yiblii komɛ kɛ ba.” Jamɛ a be ɔ ji kekleekle wai yiblii fumi be.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Samuel II, 10:12

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!