Mose V, 31:4 - BAIBLO ALOO NGMAMI KLƆUKLƆU Ɔ

⁴ Yawɛ maa pee je ma amɛ kaa bɔ nɛ e pee Amor matsɛmɛ, Sihon kɛ Og, kɛ a zugba a; e ma kpata a hɛ mi pɛsɛpɛsɛ.

Mose V, 31:4 ပူးပေါင်းရင်းမြစ်များ

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 3:21

“Lɔ ɔ se ɔ, i fa Yoshua ke, ‘Nyɛ nitsɛmɛ nyɛ na nɔ́ nɛ Yawɛ, nyɛ Mawu ɔ pee matsɛmɛ enyɔ nɛ ɔmɛ; jã kɛ̃ Yawɛ maa pee matsɛmɛ kpa amɛ nɛ nyɛ ma ya gu a zugba amɛ a nɔ ɔ.

Mose V, 2:33

Yawɛ, wa Mawu ɔ ngɔ lɛ wo wa dɛ, nɛ wa gbe e kɛ e binyumu ɔmɛ, kɛ e we bi ɔmɛ tsuo.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose V, 31:3

Yawɛ, nyɛ Mawu ɔ ma kpaka nyɛ, nɛ e ma kpata ma amɛ nɛ ngɛ lejɛ ɔ a hɛ mi, konɛ nyɛ nyɛ nɛ nyɛɛ ngɔ zugba a; nɛ Yoshua maa pee nyɛ hɛ mi nyɛɛlɔ kaa bɔ nɛ Yawɛ de ɔ.

Mose V, 31:5

Yawɛ ma ha nɛ nyɛɛ ye nyɛ he nyɛli ɔmɛ a nɔ, nɛ́ nyɛɛ pee mɛ kaa bɔ nɛ i de nyɛ ɔ pɛpɛɛpɛ.

Yoshua 24:12

Benɛ nyɛ ngɛ blɔ ɔ nɔ kɛ ma a, i ha sawale nu mɛ. I pee enɛ ɔ kɛ fie Amor matsɛmɛ enyɔ ɔmɛ kɛ je nyɛ blɔ mi. Pi nyɛ klaate, nɛ pi nyɛ kɛ̃ɛ̃ nɛ ye kunimi nɛ ɔ.