Mose V, 31:30 - BAIBLO ALOO NGMAMI KLƆUKLƆU Ɔ

³⁰ Enɛ ɔ se ɔ, Mose kane la a mi munyu ɔmɛ tsuo kɛ tsɔɔ Israel ma a, nɛ mɛ tsuo a bu tue kɛ ya si nyagbe:

Mose V, 31:30 ပူးပေါင်းရင်းမြစ်များ

Hebribi 3:2

E ye Mawu nɛ hla lɛ ke e tsu ní nɛ ɔ anɔkuale kaa bɔ nɛ Mose hu ye anɔkuale ngɛ Mawu we ɔ.

Yohane 12:49

Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Hebribi 3:5

Mose ye anɔkuale ngɛ Mawu we ɔ kulaa nɔ kaa sɔmɔlɔ, nɛ e ye odase ngɛ níhi nɛ a ma de hwɔɔ se ɔ a he.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Samuel II, 22:1

Benɛ Yawɛ je David kɛ je Saul kɛ e he nyɛli ɔmɛ tsuo a dɛ mi ɔ, David la la nɛ ɔ kɛ ha Yawɛ:

Mose V, 31:1

Mose tsa e munyu ɔ nɔ, nɛ e de Israel ma a ke,

Mose V, 32:44

Mose kɛ Nun bi, Yoshua kane la nɛ ɔ mi munyu ɔmɛ saminya kɛ tsɔɔ Israel ma a, nɛ mɛ tsuo a nu.