Mose V, 31:13 - BAIBLO ALOO NGMAMI KLƆUKLƆU Ɔ

¹³ Ke e pee ja a, nyɛ bimɛ nɛ nui Yawɛ, nyɛ Mawu ɔ mlaa a hyɛ ɔ maa nu, nɛ a maa bu Yawɛ, nyɛ Mawu ɔ; nɛ a maa ye lɛ gbeye a wami ligbi tsuo nɛ́ a maa hi zugba a nɛ nyɛ yaa ngɔ ngɛ Yordan pa a se ɔ nɔ.”

Mose V, 31:13 ပူးပေါင်းရင်းမြစ်များ

Mose V, 11:2

Nyɛ kai mwɔnɛ ɔ, níhi nɛ nyɛ kase ngɛ Yawɛ he, bɔ nɛ nyɛ nitsɛmɛ nyɛ kpa lɛ si ha. Tsa pi nyɛ bimɛ, se nyɛ nitsɛmɛ nɛ nyɛ kpa ní nɛ ɔmɛ a si ɔ lɛ e ngɛ dee ɔ nɛ. Nyɛ na kaa Yawɛ kle, e kɔni si wa; e nyɛɔ peeɔ nɔ́ tsuaa nɔ́,

Mose V, 6:7

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

Efesobi 6:4

Fɔli, nyɛ ko wo nyɛ bimɛ ɔmɛ a mi mi la; se mohu nyɛ tsɔse mɛ, nɛ nyɛɛ wo mɛ ga kpakpa nɛ maa sa Kristo hɛ mi.

Abɛ Womi 22:6

Tsɔse jokuɛyo nɛ e le bɔ nɛ e maa ba e je mi ha, nɛ ke e wa a, e hɛ be nɔ jee.

Mose III, 23:43

konɛ nyɛ nina nɛ na nɛ a le kaa gbahi a sisi nɛ Yawɛ ha nyɛ nɛmɛ Israel bi ɔmɛ hi, benɛ i kpaka mɛ kɛ je Egipt ɔ. Imi ji Yawɛ, nyɛ Mawu ɔ nɛ.

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose V, 31:12

Moo kpee Israel ma a tsuo kɛ ba: nyumuhi, yihi, jokuɛwi, kɛ nibwɔhi nɛ ngɛ nyɛ ma amɛ a mi ɔ, konɛ nɔ tsuaa nɔ nɛ ba nu, nɛ e wo Yawɛ, nyɛ Mawu ɔ hɛ mi nyami; nɛ a ye mlaa womi nɛ ɔ mi munyu ɔmɛ tsuo a nɔ pɛpɛɛpɛ.

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Mose V, 32:47

Mlaa nɛ ɔmɛ pi munyu guhi; nyɛ wami daa si ngɛ a nɔ. Nyɛɛ ye a nɔ, konɛ nyɛ se nɛ kɛ ngɛ zugba a nɛ ngɛ Yordan se nɛ nyɛ yaa ngɔ ɔ nɔ.”