Mose V, 30:3 - BAIBLO ALOO NGMAMI KLƆUKLƆU Ɔ

³ lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.

Mose V, 30:3 ပူးပေါင်းရင်းမြစ်များ

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose I, 48:21

Kɛkɛ nɛ Yakob de Yosef ke, “Kaa bɔ nɛ o ngɛ hyɛe ɔ, i miɔ nɛ ma gbo. Mawu kɛ nyɛ maa hi si, nɛ e maa kpale nyɛ kɛ ya nyɛ nɛmɛ a zugba a nɔ.

Kronika I, 16:35

Nyɛ de hu ke, “Mawu, wa yi wami helɔ lee, he wa yi wami. Bua wa nya ngɛ he kake; kpɔ wɔ ngɛ je ma amɛ a dɛ mi, konɛ waa na mo si nɛ wa je o biɛ klɔuklɔu ɔ yi.”

Nehemia 1:9

Se ke nyɛ kpale kɛ ba ye ngɔ, nɛ nyɛ ye ye mlaa amɛ a nɔ ɔ, ke je ɔ nyagbe he nɛ a gbɛ nyɛ ngɔ fĩa po, ma kpaka nyɛ kɛ ba he nɛ i to nɛ a ja mi ngɛ ɔ.’

Hiob 42:10

Jehanɛ, benɛ Hiob fa kue ha Yawɛ ngɛ e huɛmɛ etɛ ɔmɛ a he se ɔ, Yawɛ wo lɛ ní ekohu. Níhi tsuo nɛ Hiob hi sa a, Yawɛ bɔ he totoe enyɔɔnyɔ kɛ ha lɛ.

La 107:3

E ngɔ nyɛ kɛ je ma se kɛ ba kɛ je beleku je, kɛ bonyoku je, kɛ je omleyi je, kɛ leneyi je.

La 147:2

Yawɛ ngɛ Yerusalem sisi toe ekohu; e ngɛ Israel bi ɔmɛ nɛ gbɛ fĩa a a nya buae kɛ ba.

Yesaya 27:12

Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.

Yesaya 43:5

Koo ye gbeye, imi nitsɛ i kɛ mo ngɛ! “Ma bua o nina nya kɛ maa je beleku je, kɛ bonyoku je kɛ maa ba we.

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 23:3

Ye ma nɛ piɛ ɔ, ma bua a nya kɛ maa je zugbahi a nɔ hehi nɛ i fie mɛ kɛ ho ɔ, nɛ i kɛ mɛ maa ba mɛ nitsɛmɛ a zugba a nɔ ekohu. A ma fɔ, nɛ a he maa hiɛ babauu.

Yeremia 29:14

nyɛ maa na mi, nɛ ma ngɔ nyɛ kɛ ba nyɛ zugba a nɔ ekohu. Je mahi, kɛ hehi tsuo nɛ i fie nyɛ kɛ ho ɔ, ma bua nyɛ nya kɛ je lejɛ ɔmɛ, nɛ ma kpale nyɛ kɛ ba hiɛmɛ nɛ ɔ nɛ i ha nɛ a nuu nyɛ kɛ je ɔ ekohu. Imi, Yawɛ lɛ i de.’

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Kɔmɔ Yemi 3:22

kaa Yawɛ suɔmi se pui gblegbleegble; e naa mɔbɔ daa.

Kɔmɔ Yemi 3:32

Eko ɔ, e ma ha nɛ wa maa ye aywilɛho lɛɛ, se kɛ̃, e maa na wɔ mɔbɔ, ejakaa e suɔmi ɔ kle, nɛ e ngɛ daa.

Ezekiel 11:17

“De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ. Ma bua a nya kɛ maa je je ma amɛ a mi hehi nɛ a gbɛ mɛ kɛ fĩa a tsuo kɛ maa ba; nɛ ma ngɔ Israel zugba a ngɔ ha mɛ ekohu.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

Ezekiel 39:28

Kɛkɛ ɔ, ye ma a maa le kaa imi ji Yawɛ, a Mawu ɔ nɛ. A maa le enɛ ɔ; ejakaa imi nitsɛ lɛ i ha a ngɔ mɛ kɛ ho ma se ya kaa nyɔguɛhi ɔ nɛ. Se jehanɛ lɛɛ i bua a nya, nɛ i kpale mɛ kɛ ba mɛ nitsɛmɛ a zugba nɔ, nɛ e píɛ a ti nɔ ko nɔ ko ngɛ ma se.

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Zakaria 10:9

E ngɛ mi kaa imi nitsɛ lɛ i gbɛ mɛ ngɔ fĩa je ma amɛ a nɔ lɛɛ, se a ma kai mi ngɛ ma se lokoo. A kɛ a bimɛ ɔmɛ tsuo a yi ma na wami, nɛ a maa kpale kɛ ba we ekohu.

Romabi 11:23

Yuda bi ɔmɛ hu, ke a tsake nɛ a ba he ye jehanɛ ɔ, a maa kpale mɛ kɛ ta tso ɔ he ekohu, ejakaa Mawu ma nyɛ pee enɛ ɔ hluu tsɔ.

Romabi 11:26

Lɔ ɔ he ɔ, a ma he Israel tsuo yi wami kaa bɔ nɛ a ngma a ke, “Yi wami helɔ ɔ maa je Zion kɛ ba; e ma ha Yakob nina a ma kpa musu bɔmi.

Romabi 11:31

Amlɔ nɛ ɔ lɛɛ Yuda bi ji tue gboli ngɛ Mawu hɛ mi. Se mɔbɔ nɛ Mawu na nyɛ ɔ he je ɔ, mɛ hu Mawu ma ba na mɛ mɔbɔ.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.