Mose V, 30:19 - BAIBLO ALOO NGMAMI KLƆUKLƆU Ɔ

¹⁹ Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

Mose V, 30:19 ပူးပေါင်းရင်းမြစ်များ

Mose V, 30:15

“Mwɔnɛ ɔ, i ngɔ kpakpa kɛ yayami ngɔ fɔ nyɛ hɛ mi; nyɛɛ ngɔ wami, aloo gbenɔ.

Mose V, 11:26

“Mwɔnɛ ligbi nɛ ɔ, i ngɔ gbaami kɛ gbiɛmi kɛ ngɛ nyɛ hɛ mi fɔe konɛ nyɛɛ hla nɔ́ nɛ nyɛ suɔ.

La 119:30

I pee ye yi mi ke anɔkuale pɛ ma ye; i ngɔ o mlaa amɛ kɛ to ye hɛ mi.

Abɛ Womi 8:36

Se nɔ nɛ hla we mi ɔ, lɛ nitsɛ e he awi lɛ e ngɛ yee. Nihi tsuo nɛ nyɛɔ mi ɔ, a suɔ gbenɔ.”

Mose V, 30:1

“Jehanɛ, i ngɔ gbaami kɛ gbiɛmi ngɔ pue nyɛ hɛ mi, nɛ́ nyɛɛ hla mi nɔ́ nɛ nyɛ suɔ. Ke ní nɛ ɔmɛ tsuo ba nyɛ nɔ, nɛ nyɛ ya je ma je li a kpɛti, he nɛ Yawɛ, nyɛ Mawu ɔ gbɛ nyɛ ngɔ fĩa a, nyɛ ma kai níhi nɛ i ngɔ pue nyɛ hɛ mi ɔ.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Yeremia 32:39

Ma ha nɛ mɛ tsuo a maa pee a yi mi kake, nɛ a maa wo ye hɛ mi nyami daa. Ke a pee ja a, e maa hi ha mɛ nitsɛmɛ kɛ a nina.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

La 119:173

Pee klaalo nɛ o ba piɛ ye he; ejakaa i yeɔ o mlaa amɛ a nɔ.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Mose V, 31:28

Nyɛɛ kpee nyɛ wɛtsoyi ɔmɛ, kɛ tsɔli ɔmɛ kɛ ba, konɛ ma de mɛ ní nɛ ɔmɛ. I ma tsɛ hiɔwe kɛ zugba nɛ a ye odase kɛ si mɛ.

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Yesaya 56:4

Bɔ nɛ Yawɛ ngɛ nɔ ɔ dee ji, “Ke o yeɔ Hejɔɔmi ligbi ɔ, nɛ o peeɔ ye suɔmi nya ní, nɛ o yeɔ ye somi ɔ nɔ pɛpɛɛpɛ ɔ,

Mose I, 2:17

ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Mose V, 30:16

Ke nyɛ maa ye Yawɛ, nyɛ Mawu ɔ mlaa amɛ nɛ i ngɛ nyɛ woe mwɔnɛ ligbi nɛ ɔ a nɔ, nɛ nyɛ maa suɔ lɛ, nɛ nyɛ maa bu lɛ tue, nɛ nyɛ maa nyɛɛ e blɔ ɔmɛ tsuo a nɔ ɔ, lɛɛ nyɛ yi ma na wami, nɛ nyɛ he maa hiɛ; Yawɛ, nyɛ Mawu ɔ maa gbaa nyɛ ngɛ zugba a nɛ nyɛ yaa ngɔ ɔ nɔ.

Yeremia 21:8

Jehanɛ, Yawɛ de mi ke ma de ma a ke, “Nyɛɛ bu tue! I kɛ nɔ́ enyɔ ngɛ nyɛ hɛ mi fɔe nɛ nyɛɛ hla kake, blɔ nɛ kɛ nɔ yaa wami mi, kɛ blɔ nɛ kɛ nɔ yaa gbenɔ mi.

Mose V, 4:25

“Ke nyɛ se kɛ ngɛ zugba a nɔ, nɛ nyɛ ná bimɛ, kɛ bibimɛ ɔ, nyɛ ko pee yayami kaa nyɛ maa puɛ amaga ko nɛ ngɛ su ko kulaa ha nyɛ he. E ji yayami agbo ngɛ Yawɛ hɛ mi nɛ ma ha e mi mi maa wo la.

Mose V, 6:2

Nyɛɛ ye Yawɛ, nyɛ Mawu ɔ gbeye, nɛ nyɛɛ ye e mlaa amɛ nɛ i ngɛ nyɛ woe, kɛ e blɔ nya tomi ɔmɛ nɛ i ngɛ nyɛ hae nɛ ɔ a nɔ. A ngɛ kɛ ha nyɛ nitsɛmɛ, nyɛ bimɛ, kɛ nyɛ nina nyɛ wami be tsuo. Nyɛɛ ye a nɔ, konɛ nyɛ se nɛ kɛ ngɛ zugba a nɔ.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Abɛ Womi 9:11

Ejakaa nile ma ha nɛ a fɔ o ligbi ɔmɛ a nɔ, nɛ o wami se maa kɛ.

Abɛ Womi 12:28

Nɔ́ nɛ da peemi ji blɔ nɛ kɛ nɔ yaa wami mi. Nɔ nɛ nyɛɛɔ kikɛmɛ a blɔ nɛ ɔ nɔ ɔ, e be gboe.

Yeremia 42:21

Lɔ ɔ ji nɔ́ nɛ i de nyɛ mwɔnɛ ɔ nɛ. Se níhi tsuo nɛ Yawɛ, wa Mawu ɔ tsɔ mi ke ma ba de nyɛ ɔ, nyɛ bui tue fɛɛ.

Ezekiel 20:11

I wo mɛ mlaahi, nɛ i tsɔɔ mɛ blɔ nya tomihi nɛ ke a ye nɔ ɔ, a yi ma na wami.