Mose V, 30:13 - BAIBLO ALOO NGMAMI KLƆUKLƆU Ɔ

¹³ E be wo se hulɔ nɛ nyɛ ma bi ke, ‘Mɛnɔ maa po wo, nɛ e ya ngɔ kɛ ba, konɛ waa nu, nɛ waa ye nɔ?’

Mose V, 30:13 ပူးပေါင်းရင်းမြစ်များ

Ni Tsumi 16:9

Jamɛ a nyɔ ɔ mi nɔuu ɔ, a je nina ko kɛ tsɔɔ Paulo. E na Makedonia no ko nɛ daa si ngɛ lɛ pɛɛ kpae ke, “Ba Makedonia nɛ o ba ye bua wɔ!”

Ni Tsumi 10:33

Lɔ ɔ he ɔ, amlɔ nɔuu ɔ, i tsɔ nihi o ngɔ; nɛ o pee saminya kaa o ba. Amlɔ nɛ ɔ nɛ wɔ tsuo wa ba bua ngɛ Nyɔmtsɛ hɛ mi ngɛ hiɛmɛ nɛ ɔ, nɔ́ tsuaa nɔ́ ko nɛ Nyɔmtsɛ ɔ de mo ɔ, wa suɔ nɛ waa maa nu.”

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Mateo 12:42

Kojomi ligbi ɔ, Sheba manyɛ ɔ maa te si nɛ e maa po nyɛ nya; ejakaa e hia blɔ kɛ je e ma mi tɔɔ kɛ ba bu Matsɛ Salomo nile munyuhi tue. Se i ngɛ nyɛ dee ke nɔ́ ko ngɛ hiɛ ɔ nɛ pe Salomo!

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Abɛ Womi 8:11

“Nile hi pe june; níhi nɛ adesa suɔ pe kulaa a, ekoeko be nɛ a kɛ maa to nile he.

Mose V, 30:12

E be hiɔwe, nɛ́ nyɛ ma bi ke, ‘Mɛnɔ maa kuɔ kɛ ya nɛ e ya ngɔ kɛ ba ha wɔ, konɛ waa nu nɛ waa ye nɔ?’

Mose V, 30:14

Dɛbi, e ngɛ nyɛ ngɔ hiɛmɛ nɛ ɔ. Nyɛ le, nɛ nyɛ ma nyɛ ma de, lɔ ɔ he ɔ, jehanɛ, ye nɔ.