Mose V, 3:4 - BAIBLO ALOO NGMAMI KLƆUKLƆU Ɔ

⁴ Wa kpɔ a ma amɛ tsuo ngɛ be kake nɔuu mi; e píɛ ekoeko nɛ wa kpɔ we. Mahi tsuo nɛ wa kpɔ ngɛ lejɛ ɔ ji nyingmi ekpa, nɛ ji Argob zugba a tsuo, he nɛ Matsɛ Og nɛ je Bashan ɔ yeɔ tsɛ ngɛ ɔ.

Mose V, 3:4 ပူးပေါင်းရင်းမြစ်များ

Matsɛmɛ I, 4:13

Bengeber nɔ́ mi ji Ramot ngɛ Gilead, kɛ Manase binyumu Yair kɔpehi nɛ ngɛ Gilead ɔ. Lɛ kɛ̃ e nɔ́ mi ji Argob zugba a nɛ ngɛ Bashan ɔ nɛ. Ma nguangua nyingmi ekpa ngɛ zugba a nɔ; a fia gbogbo ngɔ wo a he, kɛ a nya agbohi nɛ a kɛ akɔblee pee.

Mose IV, 21:35

Lɔ ɔ he ɔ, Israel bi ɔmɛ gbe Og, kɛ e binyumu ɔmɛ, kɛ e ma mi bi ɔmɛ tsuo; nɔ kake ngmelu po píɛ. Nɛ a ngɔ zugba a.

Mose V, 3:13

Manase wɛtso fa a hu, i ha mɛ Gilead zugba nɛ piɛ ɔ, kɛ Bashan tsuo, he nɛ Og ye tsɛ ngɛ ɔ; lɔ ɔ ji Argob zugba a tsuo.” Sa a, a tsɛɛ Bashan ke oblaihi a zugba.

Mose V, 3:14

Yair nɛ je Manase wɛtso ɔ mi ɔ ngɔ Argob zugba nɛ a tsɛɛ Bashan ɔ tsuo kɛ ya su Geshur bi ɔmɛ, kɛ Maaka bi ɔmɛ a huzu ɔ nya. E ngɔ e biɛ ngɔ wo kɔpe ɔmɛ; nɛ kɛ ba si mwɔnɛ ɔ, a tsɛɛ mɛ ke Yair kɔpehi.

Mose V, 3:3

“Lɔ ɔ he ɔ, Yawɛ ngɔ Bashan matsɛ, Og hu kɛ e ma a mi bi ɔmɛ tsuo ngɔ wo wa dɛ; wa gbe mɛ tsuo kulaa; nɔ ko nɔ ko píɛ.

Mose V, 3:5

Ma nɛ ɔmɛ tsuo ji mahi nɛ a fia gbogbo gojogojoo ngɔ wo a he, kɛ a nya agbohi kɛ a se lami dade níhi. E slo kɔpehi babauu nɛ a fiɛ gbogbo ngɔ wui a he.

Mose V, 4:47

A ngɔ e zugba a, kɛ Amor matsɛ kpa ko nɛ a tsɛɛ lɛ Og nɛ hi Bashan nɛ ngɛ Yordan pa a beleku je ɔ hu e zugba a.

Yoshua 12:4

Matsɛ enyɔne ɔ ji Bashan matsɛ, Og. Lɛ ji Refaim nina nɛ piɛ ɔ a ti nɔ kake nɛ hi Ashtarot kɛ Edrei.