Mose V, 3:27 - BAIBLO ALOO NGMAMI KLƆUKLƆU Ɔ

²⁷ Kuɔ ɔ kɛ ya Pisga yo ɔ yi mi, konɛ o hyɛ kɛ o hɛngmɛ kɛkɛ, kɛ je beleku je kɛ ya bonyoku je, jehanɛ kɛ je omleyi je kɛ ya leneyi je. Hyɛ he tsuaa he saminya; ejakaa o be Yordan pa nɛ ɔ poe kɔkɔɔkɔ.

Mose V, 3:27 ပူးပေါင်းရင်းမြစ်များ

Mose IV, 27:12

Yawɛ de Mose ke, “Yaa nɛ o ya kuɔ Abarim yo ɔ, nɛ o kɛ o hɛngmɛ nɛ hyɛ zugba a nɛ i ngɔ kɛ ha Israel ma a.

Mose IV, 20:12

Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Mose IV, 23:14

E ngɔ lɛ kɛ ho Zofim nga a nɔ ya, ngɛ Pisga yo ɔ yi mi. Lejɛ ɔ hu e puɛ bɔ sami la tɛ kpaago, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose V, 1:37

Nyɛ he ɔ, Yawɛ mi mi fu imi hulɔ, nɛ e de ke, ‘Mo Mose po, o be lejɛ ɔ sue.

Mose V, 31:2

“Amlɔ nɛ ɔ, i ye jeha lafa kɛ nyingmi enyɔ, nɛ i be nyɛe ma pee nyɛ hɛ mi nyɛɛlɔ hu. Jehanɛ hu, Yawɛ de mi ke, i be Yordan pa a poe.

Mose V, 32:49

“Yaa Abarim yo ɔmɛ a nɔ ngɛ Moab zugba a mi, ngɛ Yeriko ma a hanɔ; kuɔɔ Nebo yo ɔ, nɛ o hyɛ Kanaan zugba a nɛ i ngɔ kɛ ngɛ Israel ma a hae ɔ.

Mose V, 32:52

O maa na zugba a nɛ i ngɔ kɛ ngɛ Israel ma a hae ɔ ngɛ se lokoo; se zugba a nitsɛ lɛɛ o be nɔ yae.”