Mose V, 3:22 - BAIBLO ALOO NGMAMI KLƆUKLƆU Ɔ

²² Nyɛ ko ye mɛ gbeye, ejakaa Yawɛ, nyɛ Mawu ɔ maa hwu ha nyɛ.’ ”

Mose V, 3:22 ပူးပေါင်းရင်းမြစ်များ

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Mose II, 14:14

Yawɛ maa hwu ha nyɛ; nyɛɛ lɛɛ nyɛɛ buɛ dii!”

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Kronika II, 20:29

Je ma amɛ tsuo nu kaa Yawɛ ye Israel he nyɛli ɔmɛ a nɔ kunimi, nɛ a ye gbeye wawɛɛ nitsɛ.

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Mose IV, 21:34

Se Yawɛ de Mose ke, “Koo ye lɛ gbeye; ejakaa i ngɔ lɛ kɛ e ma a, kɛ e zugba a tsuo ngɔ wo o dɛ mi. Bɔ nɛ o pee Amor bi ɔmɛ a Matsɛ Sihon nɛ ye tsɛ ngɛ Heshbon ɔ, ja nɔuu o pee lɛ.”

Mose V, 3:21

“Lɔ ɔ se ɔ, i fa Yoshua ke, ‘Nyɛ nitsɛmɛ nyɛ na nɔ́ nɛ Yawɛ, nyɛ Mawu ɔ pee matsɛmɛ enyɔ nɛ ɔmɛ; jã kɛ̃ Yawɛ maa pee matsɛmɛ kpa amɛ nɛ nyɛ ma ya gu a zugba amɛ a nɔ ɔ.

Mose V, 3:23

Mose tsa nɔ ke, “I kpa Yawɛ pɛɛ kɛ hɛdɔ jamɛ a be ɔ mi ke,

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Yoshua 23:10

Nyɛ ti nɔ kake ma nyɛ wo nihi akpe fo, ejakaa Yawɛ, nyɛ Mawu ɔ ngɛ ta hwue ha nyɛ kaa bɔ nɛ e wo si ɔ.

Nehemia 4:20

Ke nyɛ nu titimati ɔ pɛmi pɛ, nyɛ bua nyɛ he nya kɛ ba wa ngɔ ngɛ lejɛ ɔ. Wa Mawu ɔ maa hwu ha wɔ.”

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”