Mose V, 3:20 - BAIBLO ALOO NGMAMI KLƆUKLƆU Ɔ

²⁰ Nyɛɛ piɛ nyɛ nyɛmimɛ Israel bi ɔmɛ a he kɛ ya si a maa ngɔ zugba a nɛ Yawɛ ngɛ mɛ hae ngɛ Yordan pa a bonyoku je ɔ; nɛ Yawɛ ma ha mɛ hu a maa hi nɔ kaa bɔ nɛ e pee ha nyɛ ɔ. Lɔ ɔ se loko nyɛɛ kpale kɛ ba zugba nɛ i ngɔ ha nyɛ ɔ nɔ.’

Mose V, 3:20 ပူးပေါင်းရင်းမြစ်များ

Yoshua 22:4

Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Mose IV, 32:22

nɛ e ma kpɔ zugba a, lɛɛ ke nyɛ kpale nyɛ se kɛ ba a, nyɛ maa ye bemi ngɛ Yawɛ kɛ Israel ma a hɛ mi; nɛ zugba nɛ ɔ maa pee nyɛ blɔ fa mi nɔ́ nɛ Yawɛ ngɔ ha nyɛ.

Mose V, 3:21

“Lɔ ɔ se ɔ, i fa Yoshua ke, ‘Nyɛ nitsɛmɛ nyɛ na nɔ́ nɛ Yawɛ, nyɛ Mawu ɔ pee matsɛmɛ enyɔ nɛ ɔmɛ; jã kɛ̃ Yawɛ maa pee matsɛmɛ kpa amɛ nɛ nyɛ ma ya gu a zugba amɛ a nɔ ɔ.

Mose V, 12:9

ejakaa zugba a nɛ Yawɛ, nyɛ Mawu ɔ kɛ ngɛ nyɛ hae nɛ nyɛ maa hi si ngɛ nɔ ngɛ tue mi jɔmi mi ɔ, nyɛ sui nɔ lolo.

Yoshua 1:15

kɛ yaa su be nɛ mɛ hu a nine maa su zugba a nɛ ngɛ Yordan bonyoku je ɔ nɔ. Zugba nɛ ɔ ji nɔ́ nɛ Yawɛ, nyɛ Mawu ɔ ngɔ ha mɛ ɔ nɛ. Lɔ ɔ se ɔ, nyɛɛ kpale kɛ ba nyɛ nitsɛmɛ nyɛ hi he nɛ ji zugba a nɛ ngɛ Yordan beleku je, nɛ́ Yawɛ tsɔlɔ Mose ngɔ ha nyɛ ɔ nɔ.”

Mose IV, 32:18

Wa be wa se kpalee kɛ ba wa we ɔmɛ a mi, kɛ yaa si Israel bi ɔmɛ a ti nɔ tsuaa nɔ nine maa su e blɔ fa mi nɔ́ nɔ.

Yoshua 22:2

nɛ e de mɛ ke, “Níhi tsuo nɛ Yawɛ tsɔlɔ Mose fa nyɛ ke nyɛɛ pee ɔ, nyɛ pee; nɛ nyɛɛ ye ye mlaa amɛ tsuo a nɔ.

Yoshua 22:9

Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.