Mose V, 3:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Yawɛ de mi ke, ‘Koo ye lɛ gbeye, ejakaa i ngɔ e kɛ e ma a, kɛ e zugba a tsuo ngɔ wo o dɛ nɛ o pee lɛ kaa bɔ nɛ o pee Amor bi ɔmɛ a matsɛ, Sihon nɛ hi Heshbon ɔ.’

Mose V, 3:2 ပူးပေါင်းရင်းမြစ်များ

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 43:5

Koo ye gbeye, imi nitsɛ i kɛ mo ngɛ! “Ma bua o nina nya kɛ maa je beleku je, kɛ bonyoku je kɛ maa ba we.

Mose IV, 14:9

Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Mose IV, 21:34

Se Yawɛ de Mose ke, “Koo ye lɛ gbeye; ejakaa i ngɔ lɛ kɛ e ma a, kɛ e zugba a tsuo ngɔ wo o dɛ mi. Bɔ nɛ o pee Amor bi ɔmɛ a Matsɛ Sihon nɛ ye tsɛ ngɛ Heshbon ɔ, ja nɔuu o pee lɛ.”

Ni Tsumi 18:9

Ligbi ko nyɔ mi ɔ, Nyɔmtsɛ ɔ de Paulo ngɛ nina mi ke, “Koo ye gbeye, se mohu fiɛ munyu ɔ. Ko ma o nya,

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Mose V, 20:3

‘Nyɛɛ bu tue, Israel bi! Mwɔnɛ ɔ, nyɛ su ta nya. Nyɛ ko ye nyɛ he nyɛli ɔmɛ gbeye, nyɛ kã nɛ ko ta, nɛ nyɛ ko nu sawale.

Mose V, 3:1

“Jehanɛ, wa dɔ wa yi kɛ gu Bashan blɔ, nɛ Bashan matsɛ, Og kɛ e ma a tsuo je kpo konɛ a kɛ wɔ ba hwu ta ngɛ Edrei.

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Mose V, 3:3

“Lɔ ɔ he ɔ, Yawɛ ngɔ Bashan matsɛ, Og hu kɛ e ma a mi bi ɔmɛ tsuo ngɔ wo wa dɛ; wa gbe mɛ tsuo kulaa; nɔ ko nɔ ko píɛ.

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.