Mose V, 3:17 - BAIBLO ALOO NGMAMI KLƆUKLƆU Ɔ

¹⁷ Jehanɛ, ngɛ beleku je ɔ, a zugba a huzu ya su Yordan pa a nya. E je Galilea wo ɔ nya ngɛ omleyi je kɛ ya na Ngo wo ɔ ngɛ leneyi je, ngɛ Pisga yo ɔ he ngɛ beleku je.

Mose V, 3:17 ပူးပေါင်းရင်းမြစ်များ

Yoshua 12:3

E nɔ yemi he ɔmɛ ekomɛ hu ji nɛ ɔmɛ nɛ: Yordan kɔ̃ ɔ, kɛ je Galilea wo ɔ nya ngɛ omleyi je kɛ ya su Bet Yeshimot ngɛ Ngo wo ɔ beleku je hluu kɛ ya su Pisga yo ɔ sisi.

Mose I, 14:3

Matsɛmɛ enuɔ nɛ ɔmɛ pee kake, nɛ a ya bua a he nya ngɛ Sidim Kɔ̃ ɔ mi, he nɛ a tsɛɛ ke Ngo Wo amlɔ nɛ ɔ.

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Mose V, 4:49

Zugba tsuo nɛ ngɛ Yordan pa a beleku je kɛ ya su Ngo wo ɔ nya, kɛ Pisga yo ɔ sisi hu piɛ he.

Yoshua 18:19

Huzu ɔ plɛ kɛ ya gu Bet Hogla kasa nya ngɛ omleyi je, nɛ e ya gbe nya ngɛ Ngo wo ɔ kɔ̃tɔ̃ ɔ mi, he nɛ Yordan pa a ya sɛ Ngo wo ɔ mi ngɛ ɔ. Huzu ɔ nɛ ngɛ leneyi je ɔ ji nɛ ɔ nɛ.

Yoshua 15:5

Huzu ɔ nɛ ngɛ beleku je ɔ je Ngo wo ɔ nya kɛ ya su Yordan pa a nya. Huzu ɔ nɛ ngɛ omleyi je ɔ, je wo kɔ̃tɔ̃ ɔ mi he nɛ Yordan pa a kɛ e nya wo Ngo wo ɔ mi ngɛ ɔ. Huzu ɔ nɛ ngɛ omleyi je ɔ ya

Yoshua 15:2

Huzu ɔ nɛ ngɛ leneyi je nɛ ɔ je Ngo wo ɔ leneyi je,

Yoshua 13:27

Ngɛ Yordan kɔ̃ ɔ mi ɔ, mahi nɛ ngɛ lejɛ ɔ ji Bet Haram, Betnimra, Sukot, Safon, kɛ Heshbon nɛ ji Matsɛ Sihon nɔ yemi he nɛ piɛ ɔ. Bonyoku je huzu ɔ je Yordan pa a nya kɛ ya su Galilea wo ɔ nya tɔɔ ngɛ omleyi je.

Mose IV, 23:14

E ngɔ lɛ kɛ ho Zofim nga a nɔ ya, ngɛ Pisga yo ɔ yi mi. Lejɛ ɔ hu e puɛ bɔ sami la tɛ kpaago, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Luka 5:1

Ligbi ko ɔ, benɛ Yesu daa si ngɛ Genesaret taku ɔ nya a, nihi fuu ba pue e nɔ nɛ a bu Mawu munyu ɔ tue.

Yoshua 19:35

Naftali bi ɔmɛ a mahi nɛ a fia gbogbo ngɔ wo a he ɔ ji nɛ ɔmɛ nɛ: Zidim, Zer, Hamat, Rakat, Kineret,

Matsɛmɛ II, 14:25

Yeroboam kpɔ Israel zugba amɛ nɛ je a dɛ ɔ ekohu, kɛ je Hamat yo kpɛ blɔ ɔ nya, ngɛ omleyi je, kɛ ya si Ngo wo ɔ nya, ngɛ leneyi je. Yawɛ, Israel Mawu ɔ wo nɔ́ nɛ ɔ he si kɛ gu e tsɔlɔ, gbalɔ Yona, Amitai binyumu ɔ nɛ je Gat Hefer ɔ nɔ.

Ezekiel 47:8

E de mi ke, “Nyu nɛ ɔ bee ngɛ zugba a mi kɛ yaa beleku je, kɛ yaa Yordan kɔ̃ ɔ mi, nɛ e ya sɛɛ Ngo wo ɔ mi. Nyu nɛ ɔ tsakeɔ wo nyu ɔ kɛ peeɔ nyu mua.