Mose V, 3:14 - BAIBLO ALOO NGMAMI KLƆUKLƆU Ɔ

¹⁴ Yair nɛ je Manase wɛtso ɔ mi ɔ ngɔ Argob zugba nɛ a tsɛɛ Bashan ɔ tsuo kɛ ya su Geshur bi ɔmɛ, kɛ Maaka bi ɔmɛ a huzu ɔ nya. E ngɔ e biɛ ngɔ wo kɔpe ɔmɛ; nɛ kɛ ba si mwɔnɛ ɔ, a tsɛɛ mɛ ke Yair kɔpehi.

Mose V, 3:14 ပူးပေါင်းရင်းမြစ်များ

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Samuel II, 13:37

Absalom tu fo kɛ ho Geshur matsɛ Talmai, nɛ ji Amihud binyumu ɔ ngɔ ya; nɛ e ya hi lejɛ ɔ jeha etɛ. David ye e binyumu Amnon he kɔmɔ be babauu.

Samuel II, 14:23

Enɛ ɔ se ɔ, Yoab ba pue nɔ kɛ ho Geshur ya nɛ e ya ngɔ Absalom kɛ ba Yerusalem.

Samuel II, 20:26

nɛ Ira, Yair no ɔ, lɛ hu David osɔfo ji lɛ.

Samuel II, 3:3

enyɔne ɔ ji Kileab nɛ David kɛ Nabal nɛ je Karmel e yalɔyo Abigail fɔ ɔ; etɛne ɔ ji Absalom, Geshur matsɛ, Talmai biyo Maaka bi ɔ;

La 49:11

A susuɔ kaa a we ɔmɛ, kɛ a zugba amɛ maa hi si daa; nɛ a kɛ a biɛhi woɔ zugba amɛ, se gbeje mohu ya peeɔ a hi he kɛ yaa yi nɔhi tsuo.

Yeremia 40:8

Lɔ ɔ he ɔ, nimli nɛ ɔmɛ, kɛ a we bi ɔmɛ tsuo ba Gedalia ngɔ ngɛ Mizpa. Mɛ ji Ishmael, Natania bi ɔ, Yohanan, Karea bi ɔ, Seraya, Tanhumet bi ɔ, Efai nɛ je Netofa a bimɛ ɔmɛ, kɛ Yezania nɛ je Maaka a.

Mose IV, 32:41

Yair nɛ je Manase wɛtso ɔ mi ɔ hu ya tua kɔpe komɛ, nɛ e ngɔ mɛ, nɛ e wo mɛ biɛ ke Havot Yair (e sisi ji Yair kɔpehi).

Mose V, 3:13

Manase wɛtso fa a hu, i ha mɛ Gilead zugba nɛ piɛ ɔ, kɛ Bashan tsuo, he nɛ Og ye tsɛ ngɛ ɔ; lɔ ɔ ji Argob zugba a tsuo.” Sa a, a tsɛɛ Bashan ke oblaihi a zugba.

Mose V, 3:4

Wa kpɔ a ma amɛ tsuo ngɛ be kake nɔuu mi; e píɛ ekoeko nɛ wa kpɔ we. Mahi tsuo nɛ wa kpɔ ngɛ lejɛ ɔ ji nyingmi ekpa, nɛ ji Argob zugba a tsuo, he nɛ Matsɛ Og nɛ je Bashan ɔ yeɔ tsɛ ngɛ ɔ.

Yoshua 12:5

Matsɛ Og nɔ yemi he ɔmɛ ji nɛ ɔmɛ nɛ: kɛ je Hermon yo ɔ nɔ, Saleka, kɛ Bashan tsuo, kɛ ya su Geshur bi ɔmɛ kɛ Maaka bi ɔmɛ a huzu ɔmɛ a nya. Jehanɛ, kɛ je Gilead bi ɔmɛ a zugba a fa kɛ ya ta Heshbon huzu ɔ nya.

Yoshua 13:13

Israel bi ɔmɛ fie we Geshur bi ɔmɛ kɛ Maaka bi ɔmɛ; mohu ɔ, a kɛ mɛ ngɛ kɛ mwɔɔ.