Mose V, 3:11 - BAIBLO ALOO NGMAMI KLƆUKLƆU Ɔ

¹¹ Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Mose V, 3:11 ပူးပေါင်းရင်းမြစ်များ

Mose I, 14:5

Jeha nɛ ji nyɔngma kɛ eywiɛ ɔ mi ɔ, Kedorlaomer kɛ matsɛmɛ nɛ piɛ e he ɔ ba nɛ a ba gbe Refa bi ɔmɛ ngɛ Ashterot Kiriataim, Zuz bi ɔmɛ ngɛ Ham, kɛ Em bi ɔmɛ ngɛ Kiriataim nga a nɔ.

Mose I, 6:15

Bɔ nɛ o maa kpɛ lɛ ɔ ha ji nɛ ɔ nɛ: lɛ ɔ kami nɛ pee gugue nyingmi kpaago kɛ enuɔ, e blimi nɛ pee gugue nyɔngma kɛ enyɔ kɛ fa, konɛ e mi kuɔmi nɛ pee gugue kpaago kɛ fa.

Samuel II, 11:1

Gbo be mi nɛ́ matsɛmɛ pɔɔ ta gbami ɔ, David tsɔ Yoab kɛ e we asafoatsɛmɛ ɔmɛ, kɛ Israel tabo ɔ tsuo kɛ ho nɛ a ya kpata Amon bi ɔmɛ a hɛ mi, nɛ a sa Raba ma a yi. Jamɛ a be ɔ, David nitsɛ lɛɛ e ngɛ Yerusalem.

Samuel II, 12:26

Yoab gba ta wo Raba, Amon bi a ma nguaa a he, nɛ e miɔ nɛ e ngɔ ma a.

Yeremia 49:2

Se be ma nɛ ma ha nɛ nihi nɛ ngɛ Amon matsɛ ma Raba a maa nu nɛ a he ose kɛ ma. A ma kpata ma a hɛ mi, nɛ kɔpehi nɛ bɔle ma a, a maa mɛ a he la. Jamɛ a be ɔ, zugba a nɛ he nyɛli ɔmɛ ba kpɔ ngɛ Israel dɛ ɔ, Israel nine maa su nɔ ekohu.

Ezekiel 21:20

Okadi kake maa tsɔɔ matsɛ ɔ blɔ nɛ yaa Amon bi ɔmɛ a ma nɛ a tsɛɛ Raba a, nɛ kake hu maa tsɔɔ blɔ nɛ yaa Yerusalem, Yuda ma nɛ a fia gbogbo ngɔ wo he ɔ.

Ezekiel 25:5

Raba ma a ma plɛ pee nga nɔ he nɛ afukpɔngɔhi maa ye ní ngɛ. Ma ha Amon bi ɔmɛ a zugba a tsuo ma plɛ pee to lɛmi he. Lɔ ɔ loko nyɛ maa le kaa imi ji Yawɛ.

Amos 1:14

Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Mose V, 2:11

A tsɛɛ mɛ ke Refaim hulɔ; se Moab bi ɔmɛ tsɛɛ mɛ Emim bi.

Mose V, 2:20

(A buu zugba nɛ ɔ hu kaa oblaihi nɛ a tsɛɛ mɛ Refaim ɔ a zugba; mɛ lɛ a hi lejɛ ɔ sa a; se Amon bi ɔmɛ tsɛɛ mɛ Zamzum bi.

Yoshua 12:4

Matsɛ enyɔne ɔ ji Bashan matsɛ, Og. Lɛ ji Refaim nina nɛ piɛ ɔ a ti nɔ kake nɛ hi Ashtarot kɛ Edrei.

Yoshua 13:12

Bashan matsɛ, Og nɔ yemi he ɔ hu piɛ zugba nɛ ɔ he. Og ye matsɛ ngɛ Ashtarot kɛ Edrei; nɛ lɛ nɔ kake pɛ ji nɔ nɛ piɛ ngɛ oblaihi a nina nɛ a tsɛɛ mɛ Refaim ɔ a kpɛti; ejakaa Mose ya tua mɛ, nɛ e fie mɛ kɛ je lejɛ ɔ.

Kpojemi 21:17

Bɔfo ɔ susu gbogbo ɔ hulɔ, nɛ e hiɔwe yami pee gugue nyingmi etɛ kɛ ekpa. Nɔ́ nɛ bɔfo ɔ kɛ susu gbogbo ɔ, lɔ ɔ a kɛ susuɔ nɔ́ daa.

Samuel I, 17:4

Kɛkɛ nɛ tatsɛ kpanaa ko je Filisti bi ɔmɛ a ta a mi kɛ ba. A tsɛɛ lɛ Goliat; e je Gat, nɛ e kami ji nine mi blimi nyɔngma kɛ etɛ.