Mose V, 29:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, nyɛɛ ye somi ɔ mi munyu ɔmɛ tsuo a nɔ pɛpɛɛpɛ, bɔ nɛ pee nɛ nyɛɛ ye manye ngɛ nɔ́ tsuaa nɔ́ nɛ nyɛ maa pee mi.

Mose V, 29:9 ပူးပေါင်းရင်းမြစ်များ

Matsɛmɛ I, 2:3

nɛ nɔ́ nɛ Yawɛ, o Mawu ɔ fa mo ke o pee ɔ, o pee. Ye e mlaa amɛ, kɛ e fami ɔmɛ tsuo a nɔ kaa bɔ nɛ a ngma ngɛ Mose mlaa a mi ɔ, bɔ nɛ pee nɛ he tsuaa he nɛ o maa gu ɔ, o nɔ́ tsuaa nɔ́ nɛ ya nɔ pɛpɛɛpɛ.

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Luka 11:28

Se Yesu he nɔ ke, “A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ mohu!”

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Mose V, 29:1

Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

Mose V, 29:10

“Mwɔnɛ ɔ, nyɛ tsuo nyɛ daa si ngɛ Yawɛ nyɛ Mawu ɔ hɛ mi. Nyɛ, nyɛ ma nimeli, tsɔli, nyumuhi,

Yoshua 1:8

Moo kane mlaa womi nɛ ɔ daa. Mo susu he nyɔ kɛ pia; nɛ o ye nɔ́ tsuaa nɔ́ nɛ a ngma ngɛ mi ɔ nɔ; ja jã loko níhi a mi maa hi ha mo, nɛ o maa ye manye.

Kronika II, 31:21

Hezekia ya nɔ saminya, ejakaa nɔ́ tsuaa nɔ́ nɛ e ngɛ pee ɔ, e peeɔ kɛ e tsui tsuo, kɛ Mawu gbeye yemi, Yawɛ we ɔ he ní tsumi jio, mlaa a nɔ yemi jio.

Mose V, 5:3

Pi e kɛ wa nɛmɛ ɔmɛ kɛkɛ, se wɔ tsuo pɛpɛɛpɛ nɛ wa ngɛ je mi mwɔnɛ ɔ.

Mose V, 31:12

Moo kpee Israel ma a tsuo kɛ ba: nyumuhi, yihi, jokuɛwi, kɛ nibwɔhi nɛ ngɛ nyɛ ma amɛ a mi ɔ, konɛ nɔ tsuaa nɔ nɛ ba nu, nɛ e wo Yawɛ, nyɛ Mawu ɔ hɛ mi nyami; nɛ a ye mlaa womi nɛ ɔ mi munyu ɔmɛ tsuo a nɔ pɛpɛɛpɛ.

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.

Yoshua 24:1

Yoshua bua Israel wɛtso ɔmɛ a nya kɛ ba kpe ngɛ Shekem. E tsɛ ma nimeli ɔmɛ, asafoatsɛmɛ ɔmɛ, kojoli ɔmɛ, kɛ Israel tsɔli ɔmɛ kɛ ba Mawu hɛ mi.

Kronika II, 20:13

Yuda nyumu ɔmɛ tsuo daa si ngɛ lejɛ ɔ ngɛ Yawɛ we ɔ, kɛ a yi ɔmɛ, kɛ a bimɛ ɔmɛ.