Mose V, 29:6 - BAIBLO ALOO NGMAMI KLƆUKLƆU Ɔ

⁶ Nyɛ na we abolo nɛ nyɛɛ ye, nɛ nyɛ na we wai, loo dã nɛ nya wa ko nɛ nyɛɛ nu; se Yawɛ ha nyɛ nyɛ hiami ní ɔmɛ, bɔ nɛ pee nɛ e kɛ tsɔɔ nyɛ kaa lɛ ji nyɛ Mawu ɔ nɛ.

Mose V, 29:6 ပူးပေါင်းရင်းမြစ်များ

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

1 Korintobi 10:4

nɛ mɛ tsuo a nu mumi mi nyu kake ɔ nɛ je mumi mi tɛ sa nɛ nyɛɛ a se ɔ mi. Jamɛ a tɛ sa a ji Kristo.

1 Korintobi 9:25

Nihi nɛ kaa a kpɔhi a mi ɔ, a hɛ mi kaa si be tsuaa be, bɔ nɛ pee nɛ a ná jlasi nɛ puɛɔ. Se wɔɔ lɛɛ wa peeɔ jã, konɛ wa nine nɛ su jlasi nɛ puɛ we gblegbleegble ɔ nɔ.

Nehemia 9:15

“Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Mose IV, 20:8

“Yaa ngɔ tso ɔ nɛ ngɛ somi daka a hɛ mi ɔ, nɛ o kɛ o nyɛmi Aaron ya bua ma kpekpemi ɔ tsuo nya. Mo fa tɛ sa a ngɛ mɛ tsuo a hɛ mi, kɛkɛ nyu maa je mi kɛ ha ma kpekpemi ɔ, kɛ lohwe ɔmɛ nɛ a nu.”

Mose IV, 16:14

Jehanɛ ɔ hu, o kɛ wɔ yɛ zugba nɛ hi, nɛ baa ní ko nɔ; ngmɔhi, kɛ wai abɔɔhi hu o ha we wɔ. Anɛ e peeɔ mo kaa o ma nyɛ nimli kaa kikɛ nɛ ɔ maa sisi lo? Dɛbi, wa be bae!”

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Mose II, 16:12

“I nu Israel bi ɔmɛ a nya si hɔɔmi ɔ. De mɛ ke gbɔkuɛ nya si nɛ ɔ, nyɛ ma na lo maa ye, nɛ mɔtu ɔ, nyɛ ma na abolo maa ye nɛ nyɛ maa tɔ, kɛkɛ nyɛ maa le kaa imi ji Yawɛ, nyɛ Mawu ɔ nɛ.”

Mose V, 29:7

Jehanɛ, benɛ wa ba su hiɛmɛ nɛ ɔ, Heshbon matsɛ, Sihon, kɛ Bashan matsɛ, Og hia ta kɛ kpee wɔ. Se wa ye a nɔ,

Mose V, 2:33

Yawɛ, wa Mawu ɔ ngɔ lɛ wo wa dɛ, nɛ wa gbe e kɛ e binyumu ɔmɛ, kɛ e we bi ɔmɛ tsuo.

Mose V, 3:3

“Lɔ ɔ he ɔ, Yawɛ ngɔ Bashan matsɛ, Og hu kɛ e ma a mi bi ɔmɛ tsuo ngɔ wo wa dɛ; wa gbe mɛ tsuo kulaa; nɔ ko nɔ ko píɛ.

Mose V, 3:6

Wa kpata mɛ tsuo pɛpɛɛpɛ a hɛ mi. Bɔ nɛ wa pee Heshbon matsɛ, Sihon ɔ, ja nɔuu wa pee ma tsuaa ma kɛ e mi nyumu ɔmɛ, yi ɔmɛ, kɛ jokuɛwi ɔmɛ.