Mose V, 29:20 - BAIBLO ALOO NGMAMI KLƆUKLƆU Ɔ

²⁰ Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Mose V, 29:20 ပူးပေါင်းရင်းမြစ်များ

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 79:5

Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

Mose V, 9:14

Ha mi blɔ nɛ ma kpata a hɛ mi, nɛ́ nɔ ko nɔ ko kó kai mɛ gblegbleegble hu. Lɔ ɔ se ɔ, ma pee mo tsɛ ha ma ko nɛ kle, nɛ e he wa pe mɛ.’

Ezekiel 23:25

Akɛnɛ o wo ye mi mi la he je ɔ, a kɛ abofu maa gbla o tue. A maa poo o gugwɔ, kɛ o tuehi ngɛ o he; a kɛ klaate maa gbe ni komɛ. Ee, a maa ngɔ o binyumu ɔmɛ, kɛ o biyi ɔmɛ kɛ ho, nɛ nihi nɛ maa piɛ ɔ, a maa sã mɛ.

Nahum 1:2

Yawɛ Mawu ɔ, a kɛ lɛ plee we nɔ́ he; e gblaa nihi nɛ tee si kɛ woɔ lɛ ɔ a tue. E gblaa e he nyɛli ɔmɛ a tue bɔ nɛ sa mɛ kɛ yeɔ e he lue.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Romabi 11:21

Ejakaa ke Mawu baa we tso ɔ nitsɛ kɔni ɔmɛ a yi ɔ, eko ɔ, mohu e be o yi baae.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.

Ezekiel 24:14

Imi, Yawɛ nitsɛ lɛ i de. Be ɔ su jehanɛ; bɔ nɛ i de ɔ, ja ma pee. I be ye nya se kpalee; i be mɔbɔ nae, nɛ i be ye he piae hulɔ. Yayamihi nɛ o pee ɔ a he ɔ, ma gbla o tue bɔ nɛ sa mo.” Nyɔmtsɛ Yawɛ lɛ de.

Ezekiel 9:10

Se i be mɛ mɔbɔ nae; i be a yi bae. Bɔ nɛ a pee ni kpa amɛ ɔ, ja pɛpɛɛpɛ ma pee mɛ.”

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Ezekiel 8:5

Mawu kɛ mi tu munyu, nɛ e de mi ke, “Nɔmlɔ adesa, hyɛ omleyi je!” I hyɛ, nɛ i na jamɛ a amaga a nɛ a hiee wawɛɛ ɔ maa si ngeɛbɔ sami la tɛ agbo ɔ we omleyi je ngɛ agbo ɔ nya.

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Ezekiel 7:9

O be mɔbɔ nami ko kulaa nae ngɛ ye hɛngmɛ mi, nɛ i be o yi bae hulɔ; se ma gbla o tue wawɛɛ mohu ngɛ ní hiemi níhi nɛ o ngɛ pee kpamisa a he. Kɛkɛ ɔ, o maa le kaa imi Yawɛ lɛ i ngɛ o tue gblae ɔ nɛ.”

Ezekiel 7:4

I be o yi bae; i be mo mɔbɔ nae. Se ma gbla o tue mohu ngɛ ní hiemi níhi nɛ o ngɛ pee kpamisa a he. Kɛkɛ ɔ, o maa le kaa imi ji Yawɛ.”

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Abɛ Womi 6:34

Ke nyumu ngɛ hunga jee ɔ, e mi mi fuɔ wawɛɛ nitsɛ. Jamɛ a be ɔ, ke e yaa ye e he lue ɔ, e nɛ mɔbɔ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

La 78:50

E mi mi la a nya bɛ si; e ngɔɛ a he kɛ ki mɛ hulɔ. Se mohu e kɛ gbenɔ hiɔ kpata a hɛ mi.

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

La 18:8

La su ku hia kɛ je e gugwɔ puɔhi a mi; la nɛ ngɛ tsoe je e nya mi, nɛ hã nɛ tsɛ̃ je e mi.

Mose V, 25:19

Lɔ ɔ he ɔ, ke Yawɛ, o Mawu ɔ ngɔ zugba a ngɔ ha mo, nɛ e je mo kɛ je o he nyɛli tsuo nɛ bɔle mo kɛ kpe ɔ a dɛ mi ɔ, hyɛ nɛ o gbe Amalek bi ɔmɛ tsuo, konɛ nɔ ko kó kai mɛ hu. O hɛ ko je nɔ kɔkɔɔkɔ!

Mose I, 6:7

Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.”

Mose V, 29:19

Nyɛɛ hyɛ saminya nɛ nyɛ nihi tsuo nɛ nyɛ ngɛ somi munyu nɛ ɔmɛ nue mwɔnɛ ɔ ngɛ hiɛmɛ nɛ ɔ, nyɛ ti nɔ ko kó mlɔɔ e he kaa ke e pee lɛ nitsɛ e tsui wami nya ní ɔ, e maa hi ha lɛ ligbi ko. Ke nɔ ko pee ja a, nyɛ tsuo nyɛ hɛ mi ma kpata, nɔ kpakpa, kɛ nɔ yayami tsuo nɛ slɔɔto ko be mi.

Matsɛmɛ II, 14:27

Se akɛnɛ Yawɛ to we kaa e ma kpata Israel hɛ mi pɛsɛpɛsɛ he je ɔ, e gu Yehoash binyumu Yeroboam nɔ nɛ e kɛ he a yi wami.

La 80:4

Yawɛ Tabohiatsɛ Mawu! O ma mi bi ɔmɛ a kue fami ɔ maa wo o mi mi la kɛ yaa si mɛni be?

Abɛ Womi 2:22

Se yiwutsotsɛmɛ, kɛ yayami peeli lɛɛ Mawu ma kpata a hɛ mi kaa bɔ nɛ a hiaa tso ngɛ zu mi kɛ fɔɔ si ɔ.